మన తెలుగు సినిమాలు బాలీవుడ్ లో రీమేక్ చేసి బ్లాక్ బస్టర్ హిట్ అందుకున్నటున్న సంగతి తెలిసిందే. అందుకు ఉదాహరణ టాలీవుడ్ లో బ్లాక్ బస్టర్ హిట్ అయి విజయ్ దేవరకొండకి స్టార్ హీరో ఇమేజ్ ని తెచ్చిన అర్జున్ రెడ్డి సినిమాని కబీర్ సింగ్ గా తెరకెక్కించి అక్కడ కూడా బ్లాక్ బస్టర్ ని సాధించింది. ఇప్పుడు తెలుగులో నేచురల్ స్టార్ నాని నటించిన 'జెర్సీ' సినిమాని హిందీలో రీమేక్ చేస్తున్న సంగతి తెలిసిందే. ఇక ఈ సినిమాలో హీరోయిన్ గా ముందుగా రష్మికకే అవకాశం దక్కిందని, అయితే ఆ సినిమాలో చేయడానికి ఆమె నో చెప్పిందని వచ్చిన వార్తలపై స్వయంగా తనే స్పందించింది.
తెలుగులో హిట్ అయిన జెర్సీ సినిమా హిందీ రీమేక్ లో హీరోయిన్ గా తనకే అవకాశం దక్కిన మాట వాస్తవమే అని రష్మిక ధ్రువీకరించింది. అందులో నటించడానికీ తను నో చెప్పిన మాట నిజమే అని రష్మిక చెబుతోంది. అయితే అందుకు కారణం.. అందరు అనుకున్నట్టు రెమ్యూనరేషన్ కాదని రష్మిక వెల్లడించింది. తను భారీ రెమ్యూనరేషన్ డిమాండ్ చేసినట్టుగా, దాన్ని ఇవ్వడానికి నిర్మాతలు వెనుకాడటంతో తను ఆ సినిమా నుంచి తప్పుకునట్టుగా జరుగుతున్న ప్రచారాన్ని రష్మిక ఖండించింది. తను భారీ రెమ్యూనరేషన్ అడిగిన మాట వాస్తవం కాదని రష్మిక కుండబద్దలు కొట్టినట్టు చెబుతోంది.
ఇంతకీ ఆ సినిమా నుంచి ఎందుకు తప్పుకున్నట్టు? అంటే.. తను ఆ సినిమాలో హీరోయిన్ పాత్రకు న్యాయం చేయలేకపోతాననే భయంతో తప్పుకున్నట్టుగా రష్మిక చెబుతోంది. ఆ సినిమా ఒక భారీ ప్రాజెక్ట్ అని, అంత భారమైన పాత్రలో తను నటించలేనని రష్మిక అంటోంది. అయినా ఇలాంటి రీజన్లు చెప్పే వాళ్లు తక్కువగా ఉంటారు. రష్మిక మాత్రం అలాంటి అరుదైన రీజన్ చెబుతోంది. డబ్బు తక్కువ ఇస్తారని తను ఆ సినిమా నుంచి తప్పుకోలేదని అంటోంది. బహుశా పెళ్లైన పాత్రలో నటించడానికి కూడా రష్మిక వెనుకడుగు వేసి ఉండొచ్చన్న మాటలు వినిపిస్తున్నాయి.
