త్రిష గురించి ప్రతి ఒక్కరికి తెలుసు. త్రిష తమిళంలో ఎన్ని హిట్స్ అందుకున్నదో పక్కన పడితే... తెలుగులో మాత్రం ఎన్నో హిట్ సినిమాల్లో నటించింది.  ఒకప్పుడు త్రిష లేకుండా తెలుగు సినిమాలు ఉండేవి కాదు అనే విధంగా ఉన్నది.  ఆ తరువాత సినిమా ఇండస్ట్రీకి కొత్త హీరోయిన్ల తాకిడి పెరిగిపోవడంతో కొత్తవాళ్లు వచ్చి త్రిష స్థానాన్ని ఆక్రమించారు.  ఇప్పుడు త్రిష తెలుగు సినిమా చేసి చాలా రోజులైంది.  


కాగా, చాలా కాలం తరువాత మరలా తెలుగులో నటించేందుకు సిద్ధం అవుతున్నది.  మెగాస్టార్ 152 వ సినిమా కొరటాల శివ దర్శకత్వంలో ఇటీవలే ప్రారంభమైంది.  అయితే, రెగ్యులర్ షూటింగ్ త్వరలోనే ప్రారంభం కాబోతున్నది.  ఇందులో హీరోయిన్ గా త్రిషను తీసుకున్నారని వార్తలు వినిపిస్తున్నాయి.  ఈ వార్తల్లో ఎంతవరకు నిజం ఉండనే విషయం తెలియాల్సి ఉన్నది.  


త్రిష ఈ విషయాన్ని తన సోషల్ మీడియా ద్వారా తెలియజేసింది.  ప్రస్తుతం త్రిష చేతిలో మూడు సినిమాలు ఉన్నాయి.  ఒకటి పొన్నియన్ సెల్వన్, రెండోది మోహన్ లాల్ సినిమా కాగా, మూడో సినిమా మెగాస్టార్ సినిమా అని చెప్పి త్రిష ట్వీట్ చేసింది.  హీరోయిన్ త్రిష మెగాస్టార్ తో సినిమా చేస్తున్నట్టు ప్రకటించినా... త్రిష తమ సినిమాలో చేస్తున్నట్టు ఇంకా దర్శక నిర్మాతల నుంచి సమాచారం అందలేదు.  


గతంలో మెగాస్టార్ తో కలిసి త్రిష స్టాలిన్ సినిమా చేసింది.  ఆ సినిమాలో త్రిష నటనకు మంచి మార్కులు పడ్డాయి.  సినిమా పరంగా మంచి విజయం సాధించింది.  అయితే, అనుకున్నంతగా హిట్ కాలేకపోయింది.  మురుగదాస్ దర్శకత్వంలో వచ్చిన సినిమా అది.  అప్పటికే మురుగదాస్ గజని వంటి బ్లాక్ బస్టర్ తీశాడు.  తమిళంలో రమణ వంటి బ్లాక్ బస్టర్ ఇచ్చారు.   అయితే, స్టాలిన్ విషయంలో మాత్రం ఆ అంచనాలను అందుకోలేకపోయారు మురుగదాస్.  మెగా తనయుడు రామ్ చరణ్ కొణిదెల ప్రొడక్షన్స్ పతాకంపై ఈ సినిమాను నిర్మిస్తున్నారు.  వచ్చే నెల నుంచి రెగ్యులర్ షూటింగ్ ప్రారంభం కాబోతున్నది.  

మరింత సమాచారం తెలుసుకోండి: