హీరో కార్తీ  ఇటీవల  నటించిన తాజా చిత్రం ‘దొంగ’ ఈ సినిమా పక్కా ఫ్యామిలీ ఎంటర్‌టైనర్‌. అలానే ఈ సినిమాలో దర్శకుడు జీతూ జోసెఫ్‌  కనిపించే సస్పెన్స్, థ్రిల్స్‌ కూడా ఉంటాయి. కార్తీ  చేసిన సినిమాలో ‘ఊపిరి, నా పేరు శివ’ సినిమాలను కలిపితే ఎలా ఉంటుందో ఈ సినిమాలో అలాంటి ఛాయలుంటాయి’’ అని అన్నారు.ఈ చిత్రం లో  కార్తీ, నిఖిలా విమల్‌ జంటగా జ్యోతిక, సత్యరాజ్, ‘షావుకారు’ జానకి ముఖ్య పాత్రల్లో నటించిన తమిళ చిత్రం ‘తంబీ’. ఈ చిత్రాన్ని తెలుగులో ‘దొంగ’ పేరుతో రిలీజ్‌ కాబోతోంది. ఈ చిత్రానికి జీతూ జోసెఫ్‌ దర్శకత్వం వహించిన ఈ చిత్రాన్ని రావూరి వి. శ్రీనివాస్‌ నిర్మించారు.  ఈ చిత్రం ఈ నెల 20న రిలీజ్‌ కాబోతున్న సందర్భంగా కార్తీ పంచుకున్న విశేషాలు..ఇప్పటి వరకూ 19 సినిమాలు నా కెరీర్‌లో చేశాను. వంద శాతం ప్రతి సినిమాకు  కష్టపడ్డాను.నాకు బాగా  స్క్రిప్ట్‌  నచ్చితేనే సినిమా చేశాను. కథల ఎంపిక విషయంలో  నేను చాలా జాగ్రత్తలు వహిస్తుంటాను. ఈ సినిమా ‘ఖైదీ’ వచ్చిన రెండు నెలల తర్వాత వస్తుండొచ్చు, కానీ రెండేళ్ల నుంచి పక్కా ప్లానింగ్‌తో ‘దొంగ’ సినిమా చేశాం.


రచయిత రెన్సిల్‌ డిసిల్వ ఇంతకముందు  ‘రంగ్‌ దే బసంతి’ రాసినవారు ఆయన   ఈ కథను నా దగ్గరకు తీసుకువచ్చారు. ఈ కథ నాకు బాగా నచ్చింది.అంతేకాకుండా  వదిన(జ్యోతిక) కూడా ఈ కథ విన్నారు. దర్శకుడు ఎవరు? అని అనుకుంటుంటే.. జీతూ జోసెఫ్‌ కరెక్ట్‌ అని అనుకున్నాం. నేనూ, వదినా ఈ సినిమా చేయబోతున్నాం అని తెలిసి ఆయన కూడా ఓకే అన్నారు. ఈ స్క్రిప్ట్‌ ఆయనకి  బాగా నచ్చడంతో మాకు మరింత నమ్మకం వచ్చింది.


ఇంట్లో కూర్చొని మాట్లాడినట్టే  వదినతో యాక్ట్‌ చేయడం  ఉండేది. ఎందుకంటే ఈ సినిమాలో మా పాత్రలు కూడా అలానే ఉంటాయి. ఈ  చిత్రంలో మేమిద్దరం అక్కాతమ్ముడి పాత్రల్లో నటించాం.  డైలాగ్స్‌ అన్నీ నెల రోజుల ముందే నేర్చుకుని సెట్‌కి వచ్చేవారు వదినఅని కార్తీ చెప్పారు .అన్నయ్య(సూర్య) ఇంకా  ఈ సినిమాను చూడలేదు.ఆయన  థియేటర్స్‌లోనే చూస్తా అని చెప్పారు.ఇందులో  మా తండ్రి పాత్రలో సత్యరాజ్‌ నటించారు ,మా బామ్మ పాత్ర . ‘షావుకారు’ జానకి  చేశారు.  ఇంతమంది అద్భుతమైన నటీ నటులతో పని చేసినప్పుడు మనం కూడా బాగా చేస్తాం. చాలా నేర్చుకుంటాం అని కార్తీ పేర్కొన్నారు .


 ‘ఖైదీ’  నా గత చిత్రం చిరంజీవిగారి సినిమా టైటిలే. ఈ సినిమా టైటిల్ కూడా చిరంజీవిగారిదే ఆయన కూడా ‘ఖైదీ’ తర్వాత ‘దొంగ’ సినిమా చేశారని నాతో ఎవరో అన్నారు. మంచి శకునం అనుకున్నాను.ప్రస్తుతం  థాయ్‌ల్యాండ్‌లో మణిరత్నంగారి ‘పొన్నియిన్‌ సెల్వమ్‌’  షూటింగ్‌  జరుగుతోంది. ‘దొంగ’ ప్రమోషన్స్‌ కోసం చిన్న బ్రేక్‌ తీసుకొని వచ్చాను. మళ్లీ వెళ్లి షూటిం గ్‌లో జాయిన్‌ అవుతాను.

మరింత సమాచారం తెలుసుకోండి: