ಟಾಲಿವುಡ್ ನ ರೌಡಿ ಹೀರೋ ಎಂದೇ ಖ್ಯಾತಿ ಪಡೆದಿರುವ ವಿಜಯ್ ದೇವರಕೊಂಡ ರೋಮ್ಯಾಂಟಿಕ್ ಹೀರೋ ಕೂಡ ಹೌದು. ಅರ್ಜುನ್ ರೆಡ್ಡಿ ಮೂಲಕ ಸೌತ್ ಸಿನಿ ಪ್ರಪಂಚದಲ್ಲಿ ಭಾರೀ ಸದ್ದು ಮಾಡುತ್ತಿರುವ ನಟ ವಿಜಯ್ ದೇವರಕೊಂಡಗೆ ಇದೀಗ ಬಾಲಿವುಡ್ ನಿಂದ ಬಿಗ್ ಆಫರೊಂದು ಹುಡುಕಿಕೊಂಡು ಬಂದಿದೆ. ಕೋಟ್ಯಾಂತರ ರೂಪಾಯಿ ಸಂಭಾವನೆ ನೀಡಲು ಸಿದ್ಧರಿದ್ದಾರೆ. ಹೌದು, ಯಾರದು ಅಂತ ನೀವೆ ನೋಡಿ.
ಬಾಲಿವುಡ್‌ನ ಹೆಸರಾಂತ ನಿರ್ಮಾಣ ಸಂಸ್ಥೆಯಾದ ಯಶ್ ರಾಜ್ ಸಂಸ್ಥೆಯಿಂದ ವಿಜಯ್‌ಗೆ ಆಫರ್ ಬಂದಿದೆಯಂತೆ. ವಿಜಯ್ ದೇವರಕೊಂಡ ನಾಯಕತ್ವದಲ್ಲಿ ಬಹುಭಾಷೆಯಲ್ಲಿ ಸಿನಿಮಾವೊಂದನ್ನು ನಿರ್ಮಾಣ ಮಾಡುವ ಕುರಿತು ಯಶ್ ರಾಜ್ ಬ್ಯಾನರ್ ಯೋಜನೆ ಹಾಕಿಕೊಂಡಿದೆಯಂತೆ. ಅದಕ್ಕಾಗಿ ವಿಜಯ್ ಅವರಿಗೆ ಬರೋಬ್ಬರಿ 48 ಕೋಟಿ ರೂ. ಸಂಭಾವನೆ ನೀಡುವುದಕ್ಕೂ ಯಶ್ ರಾಜ್ ಬ್ಯಾನರ್ ಮುಂದಾಗಿದೆ ಎಂಬ ಮಾತುಗಳ ಕೇಳಿಬಂದಿವೆ. ಪ್ರಸ್ತುತ ಒಂದು ಸಿನಿಮಾಗೆ ವಿಜಯ್ 8 ರಿಂದ 10 ಕೋಟಿ ರೂ. ಸಂಭಾವನೆ ಪಡೆದುಕೊಳ್ಳುತ್ತಿದ್ದಾರಂತೆ. 'ಡಿಯರ್ ಕಾಮ್ರೇಡ್‌' ಥರದ ಬಹುಭಾಷಾ ಸಿನಿಮಾಗೆ 15 ಕೋಟಿ ರೂ. ವರೆಗೂ ಸಂಭಾವನೆ ಪಡೆದುಕೊಳ್ಳಬಹುದು.
ಆದರೆ, 48 ಕೋಟಿ ರೂ. ನಿಜಕ್ಕೂ ಅಚ್ವರಿ ಮೂಡಿಸುವ ಮೊತ್ತ ಎನ್ನಲಾಗಿದೆ. ಯಶ್ ರಾಜ್ ಬ್ಯಾನರ್‌ನಲ್ಲಿ ಸಿದ್ಧವಾದ 'ವಾರ್' ಚಿತ್ರದಲ್ಲಿ ಹೃತಿಕ್‌ ರೋಷನ್‌ ನಟಿಸಿದ್ದರು. ಅದಕ್ಕಾಗಿ ಅವರು ಸಂಭಾವನೆ ಬದಲು, ಷೇರು ವ್ಯವಹಾರ ಮಾಡಿಕೊಂಡಿದ್ದರಂತೆ ನಿರ್ಮಾಪಕರು. ಆ ಹಿನ್ನೆಲೆಯಲ್ಲಿ ಅವರಿಗೆ ಅಂದಾಜು 50 ಕೋಟಿ ರೂ.ವರೆಗೂ ಸಂಭಾವನೆ ಸಿಕ್ಕಿದೆಯಂತೆ. ಅದೇ ಥರ ವಿಜಯ್‌ಗೂ ಅಷ್ಟೇ ಪ್ರಮಾಣದ ಸಂಭಾವನೆ ನೀಡಿ, ದೊಡ್ಡಮಟ್ಟದ ಸಿನಿಮಾ ಮಾಡುವ ಲೆಕ್ಕಾಚಾರ ನಿರ್ಮಾಪಕರದ್ದು ಎನ್ನಲಾಗಿದೆ. ಸದ್ಯ ಅವರ ನಟನೆಯ 'ವರ್ಲ್ಡ್ ಫೇಮಸ್‌ ಲವರ್' ಸಿನಿಮಾ ತೆರೆಗೆ ಬರುವುದಕ್ಕೆ ಸಿದ್ಧವಾಗುತ್ತಿದೆ. ಅದಾದ ಮೇಲೆ ಪುರಿ ಜಗನ್ನಾಥ್ ಜತೆ ಒಂದು ಸಿನಿಮಾ ಮಾಡಲಿದ್ದಾರೆ ವಿಜಯ್. ಈ ಮಧ್ಯೆ ಅವರು ಬಾಲಿವುಡ್‌ಗೆ ಎಂಟ್ರಿ ನೀಡಲಿದ್ದಾರಾ ಎಂಬುದೇ ಸದ್ಯದ ಕೌತುಕವಾಗಿದ್ದು, ವಿಜಯ್ ಅವರು ಸಿನಿ ಪ್ರಪಂಚದಲ್ಲಿ ಮತ್ತಷ್ಟು ಎತ್ತರಕ್ಕೆ ಬೆಳೆಯಲಿ ಎಂಬುದೇ ಅಭಿಮಾನಿಗಳ ಆಶಯವಾಗಿದೆ.
