టాలీవుడ్ క్యాస్టింగ్ కౌచ్ ఉదంతంతో హైదరాబాద్ లో ఓరేంజ్‌లో వివాదాం సృష్టించింది. క్యాస్టింగ్ కౌచ్ పేరుతో శ్రీరెడ్డి టాలీవుడ్ ఇండస్ట్రీలో చేసిన హంగామా అంతాఇంతా కాదు. ప్రతి రోజు తన సోషల్ మీడియాలో ఏదో ఒకటి పోస్టింగ్ చేస్తూ.. నిత్యం వార్తల్లో ఉంటూ వస్తున్నది. తెలుగు సినిమా ఇండస్ట్రీ నుంచి ప్రస్తుతం శ్రీరెడ్డి కోలీవుడ్ పరిశ్రమకు వెళ్ళింది. న్యూస్ రీడర్, యాంకర్, హోస్ట్, ఫిలిం యాక్టర్ శ్రీరెడ్డి గురించి.. ఆమె చేస్తున్న పోరాటాల గురించి సోషల్ మీడియాలో చాలా చూశారు. టీవీ డిబేట్లలోనూ.. లైవ్ షోల్లోనూ చాలా తెల్సుకున్నాం. శ్రీరెడ్డి లీక్స్ కూడా చాలా పాపులర్ అయిపోయాయి. టాలీవుడ్ పెద్ద తలకాయలను శ్రీరెడ్డి టార్గెట్ చేసింది. పడుకుంటేనే అవకాశాలు వద్దని.. తెలుగు వాళ్లకు అవకాశాలు కల్పించాలని ఆమె కోరుతోంది.
ఇక ఇటీవ‌లె ఆమె ఒక యూట్యూబ్ ఛాన‌ల్‌ను పెట్టి అందులో లైవ్ చాట్‌లు చేయ‌డం మొద‌లు పెట్టింది. తాజాగా లైవ్ చాట్ లో పాల్గొన్న ఈమె ఫ్యాన్స్ అడిగిన కొన్ని ప్రశ్నలకు సమాధానాలు చెప్పుకొచ్చింది. తనకు పెళ్ళి ఆలోచ‌న లేదంటూ తన ఫోకస్ అంతా స‌మాజ సేవ పైనే ఉందంటోంది. తన జీవితంలో జ‌రిగిన కొన్ని ఆక‌స్మిక సంఘ‌ట‌న వ‌ల‌న ప్రేమ పెళ్లి పై న‌మ్మ‌కం లేదంటూ తేల్చి చెప్పింది. సురేష్ బాబుతో మాట్లాడి అభిరామ్ ని పెళ్లి చేసుకొని సెటిల్ అయిపోవచ్చు కదా అని చాలా మంది సలహాలు ఇచ్చారని షాకింగ్ కామెంట్స్ చేసింది. ఎన్ని కోట్లు ఉన్నా.. ప్రశాంతత అనేది ఒకటి ఉంటుందని.. అది లేకపోతే అన్ని జబ్బులు వస్తాయని.. ఆరోగ్యంగా,ప్రశాంతంగా ఉండటం కావాలని చెప్పుకొచ్చింది. ఇక త్వరలోనే శ్రీరెడ్డి ప్రొడక్షన్స్ పేరుతో నిర్మాణ సంస్థని నిర్మించ‌బోతున్న‌ట్లు వెల్ల‌డించింది.
మంచి అవకాశాలు వ‌స్తే తప్పకుండా న‌టిస్తాన‌ని తన పాత్ర‌కు ప్రాధాన్య‌త ఉంటే తప్పకుండా చేస్తానంటూ లేదంటే అన‌వ‌స‌రంగా అవ‌కాశాల కోసం ఎదురు చూస్తూ తన స‌మయాన్ని మాత్రం వృధా చేసుకోన‌ని తేల్చి చెప్పేసింది.
