సుప్రీమ్ హీరో సాయి ధరమ్ తేజ్ కు పేరు మార్చుకున్నాక బాగా కలిసొచ్చింది. సుప్రీమ్ తో కెరీర్ లో మొదటి సారి సాలిడ్ హిట్ కొట్టిన తేజు ఆతరువాత ఏకంగా వరుసగా 6డిజాస్టర్లను మూటగట్టుకున్నాడు. దాంతో ఈ హీరో పనైపోయింది అనుకున్నారు అంతా.. అయితే ఆ తరువాత తేజు ఈ ఏడాది చిత్ర లహరి తో ప్రేక్షకులముందుకు వచ్చాడు. ఈ చిత్రానికి పేరు మార్చుకొని మరీ అదృష్టాన్ని పరీక్షించుకున్నాడు. టైటిల్ కార్డు లో సాయి ధరమ్ తేజ్ కాకుండా సాయి తేజ్ అని వేయించుకున్నాడు. అయితే ఆ సెంటిమెంట్ వర్క్ అవుట్ అయ్యింది. ఈ చిత్రం డీసెంట్ హిట్ అనిపించుకుని సాయి తేజ్ కు ఊరట నిచ్చింది.
ఇక ఈ చిత్రం తరువాత అతను,ప్రతి రోజు పండగే లో నటించాడు. ఈచిత్రానికి కూడా ఆ సెంటిమెంట్ నే ఫాలో అయ్యాడు. ఆ సెంటి మెంట్ ఈసారి ఇంకా బాగా వర్క్ అవుట్ కావడంతో ఏకంగా కెరీర్ లో రెండో సాలిడ్ హిట్ ను అందుకునేలా వున్నాడు. ఇటీవల విడుదలైన ఈ చిత్రం రివ్యూస్ తో సంబంధం లేకుండా బాక్సాఫీస్ వద్ద దుమ్ము లేపుతుంది. 5రోజుల్లో ఈ చిత్రం తెలుగు రాష్ట్రాల్లో 12.5కోట్ల షేర్ ను రాబట్టిందని సమాచారం. అలాగే యూఎస్ లో 300k పై చిలుకు డాలర్లను కలెక్ట్ చేసి హాఫ్ మిలియన్ మార్క్ కు చేరువలో వుంది. ఈరోజు క్రిస్మస్ కావడంతో ఈ వసూళ్లు మరింతగా పెరగనున్నాయి. ఇక ఈ వారం లో ఈసినిమా బ్రేక్ ఈవెన్ ను క్రాస్ చేసి ఫుల్ రన్ లో బయ్యర్లకు మంచి లాభాలను తీసుకరానుంది. మారుతి డైరెక్షన్ లో పక్కా ఫ్యామిలీ ఎంటర్ టైనర్ గా తెరకెక్కిన ఈ చిత్రంలో రాశి ఖన్నా హీరోయిన్ గా నటించగా సత్యరాజ్ , రావు రమేష్ కీలక పాత్రల్లో నటించారు.
