బాలీవుడ్ కండలవీరుడు సల్మాన్ ఖాన్ నటించిన తాజా చిత్రం దబంగ్ 3 విజయం వైపు దూసుకెళ్తున్న సంగతి తెలిసిందే. ఊహించినట్టే ఈ చిత్రం కమర్షియల్ సక్సెస్ సాధించడం పై అందాల తార సోనాక్షి సిన్హా సంతోషాన్ని వ్యక్తం చేశారు. డిసెంబర్ 20న విడుదలైన ఈ చిత్రం విమర్శకుల ప్రశంసలు అందుకొన్నది.
ఇక ఇదిలా ఉంటే... తారా శర్మ షోలో సల్మాన్ ముఖ్య అతిథిగా విచ్చేశాడు. ఈ సందర్భంగా ఆయన మాట్లాడుతూ.. తనకు స్కూల్ అడ్మిషన్ రావడానికి తల్లిదండ్రులు చాలా కష్టపడ్డారని చెప్పుకొచ్చాడు. తనకు తల్లిదండ్రులంటే చాలా ఇష్టమని పాఠశాల రోజులను గుర్తుకు తెచ్చుకున్నాడు. నాలుగవ తరగతిలో ఉన్నప్పుడు తనను స్కూల్ యాజమాన్యం పంపేసిందని తెలిపాడు. ఆ సమయంలో తానేమి తప్పు చేశానో అర్థం కాలేదని ఆవేదన వ్యక్తం చేశాడు. వేరే పాఠశాలకు వెళ్లాల్సిందిగా స్కూలు యాజమాన్యం సిఫార్సు చేసినప్పటికీ.. తాను అక్కడే చదువుతానని అభ్యర్థించగా వారు అంగీకరించారని పేర్కొన్నాడు. అలా అదే పాఠశాలలోనే చదివి ఉత్తీర్ణత సాధించానని గుర్తు చేసుకున్నాడు.
అదే విధంగా... తన స్కూల్ ప్రిన్సిపల్తో జరిగిన సంఘటనను కూడా సల్మాన్ పంచుకున్నాడు. తాను కాలేజీలో సైన్స్ ఎంపిక చేసుకున్నట్లు తెలియగానే నన్ను చెరకు కర్రతో దండించాడని చెప్పాడు. తన నైపుణ్యమేంటో ప్రిన్సిపల్ సార్కు బాగా తెలుసునని పేర్కొన్నాడు. కాగా ప్రస్తుతం సల్మాన్ నటించిన దబాంగ్ 3 సినిమా ప్రపంచ వ్యాప్తంగా డిసెంబర్ 20న విడుదలై నాలుగు రోజుల్లో రూ.91.85 కోట్ల కలెక్షన్లు మాత్రమే రాబట్టింది. చుల్బుల్ పాండేగా సల్మాన్ కనిపించగా ఆయన సరసన బాలీవుడ్ బ్యూటీ సోనాక్షి సిన్హ హీరోయిన్గా నటించారు. ఈ చిత్రానికి ప్రభుదేవా దర్శకత్వం వహించాడు. ప్రపంచ వ్యాప్తంగా విడుదలైన ఈ చిత్రం పెద్దగా హిట్ అయితే కాలేకపోయింది. ప్రస్తుతం పండగ సీజన్ నడుస్తుంది కాబట్టి ఇకమరి కలెక్షన్లు ఏమన్నా లాగుతుందేమో చూడాలి. అయితే వీటితో పాటు విడుదలైన రూలర్, ప్రతిరోజూ పండగే చిత్రాలు కూడా పర్వాలేదు. రూలర్ పూర్తిగా ఫేడ్ అవుట్ అయిపోయినా ప్రతిరోజూ పండగే కలెక్షన్ల పరంగా దూసుకెళుతుంది. ఇక దొంగ పరిస్థితి కూడా పర్వాలేదు అనిపిస్తుంది.