ಬೆಂಗಳೂರು: ರಾಷ್ಟ್ರಾದ್ಯಂತ ಬುಧವಾರ ಜಗತ್ತಿಗೆ ಮಹಾ ಮಾನವತಿಯಾದ ಏಸು ಕ್ರಿಸ್ತನ ಕ್ರಿಸ್ ಮಸ್ ಹಬ್ಬವನ್ನು ಸಂಭ್ರಮ ಸಡಗರದಿಂದ ಆಚರಿಸಿದ್ದಾರೆ. ಹೌದು, ಕ್ರಿಸ್ತನ ಭಕ್ತರಿಗೆ ಆ ಏಸು ಕ್ರಿಸ್ತ ಸದಾ ಒಳ್ಳೆಯದೇ ಮಾಡು ತ್ತಾನೆ ಎಂಬುದು ಅವರ ಬಲವಾದ ನಂಬಿಕೆಯು ಆಗಿದೆ. ಹಾಗೆ ಸ್ಯಾಂಡಲ್ ವುಡ್ ನ ನಟ ನಟಿಯರು ಸಹ ಕ್ರಿಸ್ ಮಸ್ ಹಬ್ಬವನ್ನು ಅತ್ಯಂತ ಸಂಭ್ರಮ ದಿಂದ ಆಚರಿಸಿದ್ದಾರೆ. ಹೌದು, ಅದರ ಡೀಟೆಲ್ಸ್ ಇಲ್ಲಿದೆ ನೋಡಿ.
ಡಿಸೆಂಬರ್ 25 ಎಲ್ಲೆಲ್ಲೂ ಕ್ರಿಸ್ ಮಸ್ ಹಬ್ಬದ ಸಂಭ್ರಮ. ಸ್ಯಾಂಡಲ್ವುಡ್ ನಟಿ ಸಂಜನಾ ಗರ್ಲಾನಿ ಕೂಡ ಇಂದು ಸರಳವಾಗಿ, ವಿಶೇಷವಾಗಿ ಕ್ರಿಸ್ಮಸ್ ಹಬ್ಬ ಸೆಲೆಬ್ರೆಟ್ ಮಾಡಿದ್ದಾರೆ. ನಟಿ ಸಂಜನಾ ಗರ್ಲಾನಿ ಬುಧಲವಾರ ಕ್ರಿಸ್ಮಸ್ ಹಬ್ಬವನ್ನ ವಿಶೇಷವಾಗಿ ಆಚರಿಸಿದ್ದಾರೆ. ಇಂದಿರಾ ನಗರದ ಖಾಸಗಿ ರೆಸ್ಟೋರೆಂಟ್ ಒಂದ್ರಲ್ಲಿ ಸರಳವಾಗಿ , ಅನಾಥ ಮಕ್ಕಳ ಜೊತೆ ಕ್ರಿಸ್ಮಸ್ ಸೆಲೆಬ್ರೇಟ್ ಮಾಡಿದ್ದಾರೆ. ಈ ವಿಶೇಷ ದಿನದಂದು ಸಂಜನಾ ಗರ್ಲಾನಿ ಫೌಂಡೇಶನ್ ಗೆ ಚಾಲನೆ ನೀಡಿದ ಸಂಜನಾ , ಈ ಫೌಂಡೇಶನ್ ವತಿಯಿಂದಲೇ ಮಕ್ಕಳಿಗೆ ಕ್ರಿಸ್ಮಸ್ ಹಬ್ಬದ ಉಡುಗೊರೆಯನ್ನ ಕೂಡ ನೀಡಿದರು.
ಅಲ್ಲಿನ ಮಕ್ಕಳ ಜೊತೆಗೂಡಿ, ನಟಿ ಸಂಜನಾ, ಕೇಕ್ ಕತ್ತರಿಸಿ, ಹಾಡಿ, ಕುಣಿದು ಕುಪ್ಪಳಿಸಿದ್ರು.ಜೊತೆಗೆ ಮಕ್ಕಳು ಸಹ ಹಾಡು ಹಾಡೋದು, ಮತ್ತು ನೃತ್ಯ ಮಾಡೋದ್ರ ಜೊತೆಗೆ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿದರು. ಒಂದು ಕ್ಷಣ ಸ್ವರ್ಗವೇ ಧರೆಗಿಳಿದಂತೆ ಭಾಗವಾಗಿತ್ತು. ಇನ್ನು ಕ್ರಿಸ್ಮಸ್ ಹಬ್ಬದ ಪ್ರಯುಕ್ತ ಮಕ್ಕಳಿಗೆ ಊಟದ ವ್ಯವಸ್ತೆ ಕೂಡ ಮಾಡಲಾಗಿತ್ತು ಹಾಗೂ ಇದೇ ಸಂದರ್ಭದಲ್ಲಿ ಮಕ್ಕಳಿಗೆ ಶೂ,ಚಪ್ಪಲಿಯನ್ನು ಕೂಡ ವಿತರಿಸ ಲಾಯ್ತು. ಈ ಸಂಭ್ರಮದಲ್ಲಿ ನಟ ಅನಿರುದ್ದ್, ಪತ್ನಿ ಕೀರ್ತಿ ಅನಿರುದ್ದ್, ಹಾಗೂ ನಿರ್ಮಾಪಕ ಪ್ರಸನ್ನ, ಇನ್ನಿತರ ಕಿರುತೆರೆ ಕಲಾವಿದರು ಕೂಡ ಭಾಗವಹಿಸಿದರು. ಇಂದು ಕ್ರಿಸ್ಮಸ್ ಪ್ರಯುಕ್ತ ಸಂಜನಾ ಗರ್ಲಾನಿ ಫೌಂಡೇಶನ್ಗೆ ಚಾಲನೆ ಕೊಟ್ಟು, ಮುಂದಿನ ದಿನಗಳಲ್ಲಿ ಸಾಮಾಜಿಕ ಕಾರ್ಯಗಳಲ್ಲಿ ಸಂಜನಾ ತೊಡಗಿಸಿಕೊಳ್ಳಿದ್ದಾರೆ ಎಂದಿದ್ದಾರೆ.
