హిందీ, తెలుగు, తమిళంలో బాగా పాపులర్ అయిన ఏకైక రియాలిటు షో 'బిగ్ బాస్'. ప్రముఖ సెలబ్రిటీ రియాల్టీ షో బిగ్ బాస్ సీజన్ 13లో పాల్గొన్న కంటెస్టెంట్లు నానా హంగామా చేస్తున్నారు. కొందరేమో ఇతర కంటెస్టెంట్లతో గొడవ పడుతుంటే.. మరికొందరేమో ప్రేమ, రొమాన్స్‌లతో బిజీ అయిపోయారు. ఈ మధ్యకాలంలో బిగ్ బాస్‌లో బాగా ట్రెండ్ అవుతున్న ఎపిసోడ్ పరాస్ చాబ్రా, మహీరా శర్మ అనే ఇద్దరు కంటెస్టెంట్ల మధ్య నడుస్తున్న రాసలీలలు. వీరిద్దరూ బిగ్ బాస్ హౌజ్‌లో ప్రేమించుకుంటున్నారు. మొన్నైతే పరాస్.. అందరూ చూస్తుండగానే మహీరాను ముద్దులతో ముంచెత్తాడు. అది ఒక హాట్ టాపిక్ అయింది. ఇదేంటి మరీ ఇంత బరితెగించి ప్రవర్తిస్తున్నారు అంటు కొందరు ఆశ్చర్య పడుతున్నారు.
అయితే పరాస్‌కు నిజ జీవితంలో ఆకాంక్ష పూరీ అనే గర్ల్‌ఫ్రెండ్ ఉంది. ఈమె ప్రముఖ బుల్లితెర నటి. తన ముందే బిగ్ బాస్ షో పేరుతో పరాస్ మరో అమ్మాయితో రొమాన్స్‌లు చేస్తుండడాన్ని ఆకాంక్ష భరించలేకపోతోంది. షో కోసమే మహీరాతో క్లోజ్‌గా ఉంటున్నానని పరాస్ అంటున్నాడు. కానీ షో లో వాళ్ళ ప్రవర్తన చూస్తుంటే నిజంగా ప్రేమికుల్లా ఉన్నారని ఆకాంక్ష ఆవేదన వ్యక్తం చేస్తోంది. ఈ విషయం గురించి తాజాగా మీడియా ముందుకు వచ్చి బోరుమని విలపించింది.
మహీరా తల్లి నా గురించి ఎప్పుడూ తప్పుగా మాట్లాడలేదు. కానీ షోలో మహీరాతో పరాస్ పెట్టుకున్న సంబంధం నాకు నచ్చలేదు. ఎందుకంటే వారిద్దరూ ఫ్రెండ్స్ అంటూనే లవర్స్ కంటే ఎక్కువగా ఫీలైపోతున్నారు. ఫ్రెండ్స్, లవర్స్ ఎలా ప్రవర్తిస్తారో తెలియని పిచ్చిదాన్ని కాదు. పరాస్.. మహీరాకు లవ్ బైట్స్ ఇస్తున్నాడు. ఇది కేవలం లవర్స్ మాత్రమే ఇచ్చుకుంటారు. మహీరాకు ఇలా ప్రవర్తించే ఫ్రెండ్స్ చాలా మందే ఉండి ఉంటారు. పైగా పరాస్ దగ్గరికి వస్తున్నప్పుడు కానీ ముద్దులు పెడుతున్నప్పుడు కానీ మహీరా అసలు రియాక్ట్ అవడం లేదు. నా బాయ్‌ఫ్రెండ్ మరో అమ్మాయితో అలా ప్రవర్తిస్తుంటే నాకు నచ్చడంలేదు. అందుకే పరాస్‌కు సపోర్ట్ చేయడం మానేశాను. ఎందుకంటే నేను బిగ్ బాస్‌లో పాల్గొనలేదు కాబట్టి. ముందు ముందు పరాస్ ఇలాగే ప్రవర్తిస్తే అలాంటి వ్యక్తిని నా జీవితంలో నుంచి బయటకు తోసేస్తానని ఆవేదన వ్యక్తం చేసింది.
