బన్నీ త్రివిక్రమ కాంబినేషన్ లో తెరకెక్కుతున్న చిత్రం "అల వైకుంఠపురములో" ఈ చిత్రం మీద అభిమానుల అంచనాలు ఆకాశాన్ని అంటుతున్నాయి. ఇప్పటికే రిలీజైన టీజర్ కి ప్రేక్షకుల నుండి మంచి స్పందన లభించింది. స్టైలిష్ స్టార్ గా పేరు తెచ్చుకున్న అల్లు అర్జున్ ఈ టీజర్ లో మరింత స్టైల్ గా కనబడ్డాడు. పక్కా ఫ్యామిలీ ఎంటర్ టైనర్ గా తెరకెక్కిన ఈ చిత్రం కుటుంబ ప్రేక్షకులని అలరిస్తుందనే ధీమాతో ఉన్నారు.
ఈ సినిమా నుండి ఇప్పటికే నాలుగు పాటలు విడుదల అయ్యాయి. మొదటి పాట సామజవరగమనా నుండి నాలుగో పాట బుట్టబొమ్మ వర్కి దేనికదే ప్రత్యేకంగా నిలిచాయి. ఒక్కో పాట ఒక్కోలా చెవులకి ఇంపుగా చాలా అందంగా ఉంది. అయితే ఈ సినిమాలోని మొదటి రెండు పాటౌ యూట్యూబ్ లో రికార్డు సృష్టించాయి. సామజవరగమనా, రాములో రాములో పాటలకి విశేష స్పందన లభించింది. రెండు పాటలు యూట్యూబ్ లో వంద మిలియన్ల వ్యూస్ దక్కించుకున్నాయి.
ఇప్పటి వరకు ఏ ఒక్క తెలుగు సినిమాకి కూడా ఇలా జరగలేదు. ఒకే సినిమా నుండి రెండు పాటలు ఈ ఘనత సాధించడం అంటే చిన్న విషయం కాదు. అయితే ప్రస్తుతం ఈ సినిమా నుండి ఐదవ పాట విడుదలకి సిద్ధమ్ అవుతోంది.కాకుళం యాసలో ఉండబోయే ఈ ఫోక్ సాంగ్ మిగిలిన అన్ని పాటలకంటే బాగుటుందని, అందుకే సినిమా విడుదలకు కొద్ది రోజుల ముందు దాన్ని విడుదల చేస్తారని ఇండస్ట్రీ వర్గాలు చెప్పుకుంటున్నాయి.
సామజవరగమన పాటతో ఆల్బమ్ కు ఎలాంటి గొప్ప స్టార్ట్ ఇచ్చారో ఈ ఫోక్ సాంగ్ తో అంతే గొప్ప ఎండింగ్ ఇవ్వాలనేది తమన్ అండ్ టీమ్ ఆలోచనట. మరి ఈ పాట కూడా బ్లాక్ బస్టర్ అయ్యి మ్యూజికల్ గా సినిమాగా ఎలాంటి పేరొస్తుందో చూడాలి. మాటల మాంత్రికుడు త్రివిక్రమ్ శ్రీనివాస్ దర్శకత్వంలో రూపొందిన ఈ చిత్రాన్ని జనవరి 12న విడుదలకానుంది.
