ఈఏడాది టాలీవుడ్ లో మచ్ అవైటెడ్ మల్టీ స్టారర్ గా తెరకెక్కిన చిత్రం వెంకి మామ. విక్టరీ వెంకటేశ్ ,యువ సామ్రాట్ నాగ చైతన్య కలిసి నటించిన ఈ చిత్రం ఇటీవల విడుదలై మిక్సడ్ రివ్యూస్ ను రాబట్టుకున్నా టాక్ బాగుండడంతో మొదటి మూడు రోజుల్లో అదిరిపోయే ఓపెనింగ్స్ ను రాబట్టింది. అయితే ఆ తరువాత అనూహ్యంగా నెమ్మదించింది. అయితే మొదటి వారాంతం తోపాటు క్రిస్మస్ హాలిడే కూడా కలిసి రావడంతో బాక్సాఫీస్ వద్ద మళ్ళీ పుంజుకొని ఎట్టకేలకు ఈచిత్రం అన్ని ఏరియాల్లో బ్రేక్ ఈవెన్ అయ్యింది. ఇక రెండు వారాల్లో ఈచిత్రం ప్రపంచ వ్యాప్తంగా 34కోట్ల షేర్ వసూళ్లను రాబట్టి హిట్ అనిపించుకుంది. ఫుల్ రన్ లో ఈ చిత్రం మరో 2కోట్ల షేర్ ను రాబట్టే అవకాశాలు వున్నాయి. ఈ చిత్రానికి ప్రతి రోజు పండగే రూపంలో గట్టి పోటీ ఎదురవుతుంది.
జై లవ కుశ ఫేమ్ బాబీ డైరెక్ట్ చేసిన ఈ చిత్రంలో వెంకీ సరసన హాట్ బ్యూటీ పాయల్ రాజ్ పుత్ నటించగా నాగ చైతన్య కు జోడిగా రాశీ ఖన్నానటించింది. సురేష్ ప్రొడక్షన్స్ , పీపుల్ మీడియా ఫ్యాక్టరీ బ్యానర్ల పై సురేష్ బాబు , టిజి విశ్వప్రసాద్ సంయుక్తంగా నిర్మించిన ఈచిత్రానికి తమన్ సంగీతం అందించాడు. ఈ చిత్రం అమెజాన్ ప్రైమ్ లో వచ్చే ఏడాది ఫిబ్రవరి 2 న విడుదలకానుంది. ఇక ఈ చిత్రం తో వెంకీ , చైతన్య ఈ ఏడాది బ్యాక్ టు బ్యాక్ హిట్లు కొట్టారు. ఈసినిమా కన్నా ముందు వెంకటేశ్ ఈసంక్రాంతికి ఎఫ్ 2 తో ప్రేక్షకులముందుకు రాగ ఆ చిత్రం ఆయన కెరీర్ లోనే బిగ్గెస్ట్ బ్లాక్ బాస్టర్ హిట్ గా రికార్డు సృష్టించింది. అలాగే వెంకి మామ కన్నా ముందు ఈ ఏడాది సమ్మర్ లో మజిలీ తో వచ్చి సూపర్ హిట్ కొట్టాడు నాగ చైతన్య.
