తమిళ సూపర్ స్టార్ రజినీ కాంత్, స్టార్ డైరెక్టర్ ఏఆర్ మురగదాస్ కాంబినేషన్ లో తెరకెక్కుతున్న చిత్రం 'దర్బార్'. ప్రస్తుతం పోస్ట్ ప్రొడక్షన్ కార్యకమాలను శరవేగంగా జరుపుకుంటున్న ఈ చిత్రం వచ్చే ఏడాది సంక్రాంతి కానుకగా జనవరి 9న తమిళం తోపాటు తెలుగులోనూ విడుదలకానుంది. ప్రమోషన్ లో భాగంగా జనవరి 3న హైదరాబాద్ లోని శిల్ప కళా వేదికలో ఈచిత్రం యొక్క ప్రీ రిలీజ్ ఈవెంట్ ను గ్రాండ్ గా జరుపనున్నారు. ఈ ఈవెంట్ కు రజినీ హాజరుకానున్నాడు. ఈ చిత్రంలో రజినీ, ఆదిత్య అరుణాచలం పవర్ ఫుల్ పోలీస్ ఆఫీసర్ గా కనిపించనుండగా ఆయనకు జోడిగా లేడీ సూపర్ స్టార్ నయనతార నటించింది. నయన్ ఈ చిత్రంలో రజినీ వైఫ్ గా ఆర్కిటెక్ట్ పాత్రలో కనిపించనుందని సమాచారం.
ఇటీవల విడుదలైన ఈచిత్రం యొక్క ట్రైలర్ సూపర్ రెస్పాన్స్ ను రాబట్టుకోవడం తో సినిమా పై భారీ అంచనాలు వున్నాయి. యాక్షన్ ఎంటర్టైనర్ గా తెరకెక్కుతున్న ఈ చిత్రంలో యంగ్ హీరోయిన్ నివేత థామస్ రజినీకి కూతరుగా నటించగా బాలీవుడ్ ప్రముఖ నటులు సునీల్ శెట్టి , ప్రతీక్ బబ్బర్ , దిలీప్ తాహిల్ , జతిన్ సర్ణ ముఖ్య పాత్రల్లో కనిపించనున్నారు. అనిరుద్ సంగీతం అందిస్తున్న ఈ చిత్రాన్ని లైకా ప్రొడక్షన్స్ నిర్మిస్తుండగా ఏఆర్ రెహమాన్ సంగీతం అందిస్తున్నాడు. ఇక ఈ చిత్రానికి తెలుగులో గట్టి పోటీ ఎదురుకానుంది. సంక్రాంతి ని టార్గెట్ చేస్తూ రెండు బడా సినిమాలు సరిలేరు నీకెవ్వరు , అల.. వైకుంఠపురములో బరిలో వున్నాయి. మరి ఈ చిత్రాల నుండి పోటీ తట్టుకోవాలంటే దర్బార్ కు బ్లాక్ బాస్టర్ టాక్ రావాల్సిందే. ఇక ప్రస్తుతం రజినీకాంత్,మాస్ డైరెక్టర్ శివ డైరెక్షన్ లో తన 168 వ చిత్రంలో నటిస్తున్నాడు.
