సెన్సేషనల్ హీరో విజయ్ దేవరకొండ , మళ్ళీ మళ్ళీ ఇది రాని రోజు ఫేమ్ క్రాంతి మాధవ్ కాంబినేషన్ లో తెరకెక్కుతున్న చిత్రం వరల్డ్ ఫేమస్ లవర్. ఇటీవలే ఈ సినిమా షూటింగ్ పూర్తికాగా ప్రస్తుతం పోస్ట్ ప్రొడక్షన్ దశలో వుంది. రొమాంటిక్ ఎంటర్ టైనర్ గా రూపొందతున్న ఈచిత్రంలో విజయ్ సరసన ఐశ్వర్య రాజేష్, క్యాథెరిన్ ట్రెసా ,ఇజబెల్లా, రాశీ ఖన్నా హీరోయిన్లుగా నటిస్తున్నారు. ఇటీవలే ఈ చిత్రం నుండి ఈ నలుగురు హీరోయిన్ల ఫస్ట్ లుక్ లు విడుదలైనా సినిమా కు ఎలాంటి బజ్ తీసుకరాలేకపోయాయి. దాంతో ఇప్పుడు టీజర్ తో నైనా సినిమాకు హైప్ తీసుకరావాలని చిత్ర యూనిట్ భావిస్తుంది.
అందులో భాగంగా ఈ చిత్రం యొక్క టీజర్ ను ఈరోజు సాయంత్రం 4:05 గంటలకు విడుదలచేయనున్నారు. సీనియర్ నిర్మాత కేఎస్ రామారావు ఈ చిత్రాన్ని నిర్మిస్తుండగా గోపి సుందర్ సంగీతం అందిస్తున్నాడు. ఫిబ్రవరి 14 ప్రేమికుల రోజున ఈ చిత్రాన్ని ప్రేక్షకులముందుకు తీసుకరానున్నారు.
ఇక గత ఏడాది డియర్ కామ్రేడ్ తో ప్రేక్షకులముందుకు వచ్చిన విజయ్ కి ఆ చిత్రం భారీ షాక్ ఇచ్చింది. మంచి అంచనాలతో విడుదలైన ఆసినిమా డిజాస్టర్ ఫలితాన్ని రాబట్టింది. దాంతో ఇప్పుడు విజయ్ వరల్డ్ ఫేమస్ లవర్ పై ఆశలు పెట్టుకున్నాడు. మరి ఈ చిత్రం తో హిట్ కొట్టి మళ్ళీ సక్సెస్ ట్రాక్ ఎక్కుతాడో లేదో చూడాలి.
