సరిలేరు నీకెవ్వరు’ సెన్సార్ కార్యక్రమాన్ని పూర్తి చేసుకోవడంతో ఈ సినిమా ‘అల వైకుంఠపురములో’ రిలీజ్ డేట్ ను బట్టి ఎప్పుడు కావాలి అంటే అప్పుడు రిలీజ్ చేయడానికి సిద్ధంగా ఉంది. తెలుస్తున్న సమాచారం మేరకు ఈ సినిమాకు యు/ఎ సర్టిఫికేట్ వచ్చిందని ఈ మూవీ నిడివి 2 గంటల 43 నిముషాలు అని అంటున్నారు.
బయటకు వచ్చిన సెన్సార్ టాక్ ప్రకారం ఈ మూవీ ఫస్ట్ హాఫ్ లో 39 నిముషాల ట్రైన్ ఎపిసోడ్ హిలేరియస్ కామెడీ తో ఉంటె సెకండ్ హాఫ్ లో 15 నిముషాల ఎలుక ఎపిసోడ్ ఈ సినిమా ప్రేక్షకులను విపరీతంగా నవ్విస్తుంది అని అంటున్నారు. అలాగే కమెడియన్లు వెన్నెల కిషోర్ సుబ్బరాజులు సెకండాఫ్ లో చేసే కామెడీ ఈ మూవీ ద్వితీయార్ధంలో వచ్చే విజయశాంతి ఎమోషనల్ సీన్స్ ఈ మూవీకి హైలెట్ అని అంటున్నారు.
ఇంతవరకు టాలీవుడ్లో రాని విధంగా ఇంటర్వెల్ సీన్ ఉంటుందని సమాచారం. సెకండాఫ్లో రెండు యాక్షన్ సీక్వెన్స్లు ఎమోషనల్ సీన్స్ మాత్రం పీక్స్లో ఉంటాయని క్లైమాక్స్ గురించి చెప్పనక్కర్లేదని సెన్సార్ టాక్. అయితే ఈ సినిమాలో ఆర్మీ మేజర్గా కనిపిస్తున్నందున మహేష్ బోర్డర్ సీక్వెన్స్ కనిపించేది కేవలం ఐదు నిమిషాలు మాత్రమే అని దీనితో ఆర్మీ యాక్షన్ సీన్స్ పెద్దగా లేవు అన్న టాక్ వినిపిస్తోంది.
దేవిశ్రీ ప్రసాద్ ట్యూన్ చేసిన పాటలు పెద్దగా బాగా లేకపోయినా ఆ పాటల చిత్రీకరణ మాత్రం చాల బాగుందనీ దీనితో పాటల ట్యూన్స్ బాగాలేదు అన్న అభిప్రాయం నుండి సగటు ప్రేక్షకుడు బయటకు వస్తాడు అని అంటున్నారు. అనీల్ రావి పూడి చాల తెలివిగా ఈ మూవీ స్క్రీన్ ప్లే ని నడిపిస్తూ ఎక్కడా ఒక్క చోట కూడ బోర్ సన్నివేశం కూడ లేకుండా డిజైన్ చేసాడు అన్న టాక్ వినిపిస్తోంది. ‘సరిలేరు నీకెవ్వరు’ లీకులు నిజమైతే ఈ మూవీ బ్లాక్ బస్టర్ హిట్ అనుకోవాలి..