‘సరిలేరు నీకెవ్వరు’ మూవీలో సూపర్ స్టార్ కృష్ణ కనిపించబోతున్న విషయాన్ని తెలియచేసి అందరికి షాక్ ఇచ్చాడు హీరో మహేశ్ బాబు . అయితే ఈ మూవీలో కృష్ణ ఎంట్రీ ఎలా ఉండబోతోంది అన్న విషయం మాత్రం సస్పెన్స్ అంటూ ఆ మూవీ విడుదల అయ్యేవరకు ఓపిక పెట్టమని మహేష్ అభిమానులకు సూచనలు చేసాడు. ఈ దెబ్బతో ఈ సినిమా మీద విపరీతమైన హైప్ పెరిగిపోయింది .
ఇదొక్కటే కాదు ఈ సినిమా గురించి అందరూ డిస్కస్ చేసుకోవడానికి అనేక కారణాలు ఉన్నాయి. మహేశ్ బాబు వరసగా హిట్ లు కొడుతున్న హీరో శ్రీమంతుడు , భరత్ అనే నేను , మహర్షి ఇలా వరస హిట్ లతో కుమ్మెస్తున్నాడు. ఈ తరుణం లో మహేశ్ కొత్త సినిమా సరిలేరు నీకేవ్వరు మీద ప్రేక్షక లోకం తో పాటు డిస్ట్రిబ్యూటర్ లు కూడా విపరీతమైన అంచనాలు పెట్టుకున్నారు . మరి ఈ సినిమా విషయం లో ఏ రేంజ్ లో బిజినెస్ జరిగిందో చూశాం మనం. మహేశ్ కెరీర్ లోనే అత్యంత ఎక్కువ స్థాయి లో అమ్ముడుపోయిన సినిమా ఇది . ఓవర్ సీస్ లో కూడా మహేశ్ కోసం డిస్ట్రిబ్యూటర్ లు ఎగబడ్డారు అంటే పరిస్థితి అర్ధం చేసుకోవచ్చు . ఈ మూవీ నిడివి 2 గంటల 43 నిముషాలు అని అంటున్నారు.
బయటకు వచ్చిన సెన్సార్ టాక్ ప్రకారం ఈ మూవీ ఫస్ట్ హాఫ్ లో 39 నిముషాల ట్రైన్ ఎపిసోడ్ హిలేరియస్ కామెడీ తో ఉంటె సెకండ్ హాఫ్ లో 15 నిముషాల ఎలుక ఎపిసోడ్ ఈ సినిమా ప్రేక్షకులను విపరీతంగా నవ్విస్తుంది అని అంటున్నారు. అలాగే కమెడియన్లు వెన్నెల కిషోర్ సుబ్బరాజులు సెకండాఫ్ లో చేసే కామెడీ ఈ మూవీ ద్వితీయార్ధంలో వచ్చే విజయశాంతి ఎమోషనల్ సీన్స్ ఈ మూవీకి హైలెట్ అని అంటున్నారు. మరి ఇన్ని హంగులు ఉండడం తో సరిలేరు మీద అంచనాలు పెరగడం లో తప్పు లేదు అయితే చిత్రా బృందం ఈ అంచనాలు అందుకోగలదా అనేది ప్రశ్న !
