‘అల వైకుంఠపురములో’ మూవీ కి టోటల్ పాజిటివ్ టాక్ రావడమే కాకుండా ఈ మూవీ తెలుగు రాష్ట్రాలలోని మాస్ ప్రేక్షకులకు కూడ బాగా నచ్చడంతో ఈ మూవీ ఏరేంజ్ హిట్ గా మారి కలక్షన్స్ విషయంలో సంచలనాలు సృష్టిస్తుంది అన్న విషయమై ఇప్పుడు ఇండస్ట్రీ వర్గాలలో ఆ సక్తికర చర్చలు జరుగుతున్నాయి. ఈ మూవీని చూసే ప్రతివారికి ఈ మూవీలోని ‘అల వైకుంఠపురము’ ఇల్లు చూసి ఆశ్చర్య పడేలా ఉంటుంది.
రాజసం ఉట్టి పడుతున్న మెయిన్ గేటు నుండి ఆ ఇంటి పోర్టి కో వరకు కనిపించే భారీ లాన్స్ తో పాటు ఆ ఇంటి ఎలివేషన్ ప్రతి వ్యక్తిని ఆశ్చర్యపోయేలా చేస్తుంది. వాస్తవానికి ఇలాంటి ఒక భారీ ఇంటిని ఊహించుకున్న త్రివిక్రమ్ ఇలాంటి ఇల్లు ఎక్కడ నిజంగా కనిపిస్తుంది అని త్రివిక్రమ్ ఈ మూవీ ఆర్ట్ డైరెక్టర్ ప్రకాష్ తో చాల లోతుగా ఆలోచనలు చేసినట్లు టాక్.
అయితే అనుకోకుండా త్రివిక్రమ్ ఊహించుకున్న ‘అల వైకుంఠపురము’ హైదరాబాద్ లోనే వాస్తవంగా కనిపించడంతో త్రివిక్రమ్ షాక్ అయినట్లు సమాచారం. ఈ మూవీలో చూపించిన ఇంటిని పోలిన పూర్తి రూపురేఖలతో భాగ్యనగరంలో ఒక మేన్షన్ వారికి కనిపించింది. ఆ మేన్షన్ ప్రముఖ ఛానల్ చైర్మెన్ చౌదరి కూతురు రచన అత్తవారిది అని తెలుస్తోంది.
ఈ సినిమాను నిర్మించిన హారిక హాసిని అధినేత రాథాకృష్ణ కు ఈ మేన్షన్ యజమాని దగ్గర చుట్టం కావడంతో ఆ మేన్షన్ ను త్రివిక్రమ్ బయట నుండి షూట్ చేయడమే కాకుండా ఈ మూవీలో అల్లు అర్జున్ ఆ భారీ మేన్షన్ లోకి నడుచుకు వచ్చే సన్నివేశాలు అన్నీ రియల్ గా మేన్షన్ లో తీసినట్లు వార్తలు వస్తున్నాయి. దీనికితోడు ఆ మేన్షన్ ను పోలిట్లుగా ఒక భారీ సెట్ ను అన్నపూర్ణ స్టూడియోస్ లో 5 కోట్ల ఖర్చుతో త్రివిక్రమ్ తన ఊహల అల వైకుంఠపురమును నిర్మించినట్లు తెలుస్తోంది. త్రివిక్రమ్ మాటలు మాత్రమే కాకుండా అతడి ఊహలు కూడ ఎంత డిఫరెంట్ గా ఉంటాయి అన్నది ‘అల వైకుంఠపురములో’ సెట్ చూసిన వారికి అర్ధం అయ్యే నిజం..
