తమిళనాడు దివంగత ముఖ్యమంత్రి' పురిచ్చి తలైవి' జయలలిత జీవిత చరిత్ర ఆధారంగా ప్రముఖ కోలీవుడ్ డైరెక్టర్ ఏ ఎల్ విజయ్ తెరకెక్కిస్తున్న చిత్రం తలైవి. బాలీవుడ్ స్టార్ హీరోయిన్ కంగనా రనౌత్ ,ప్రధాన పాత్రలో నటిస్తున్న ఈ చిత్రంలో లెజండరీ యాక్టర్&మాజీ ముఖ్యమంత్రి ఎంజీఆర్ పాత్రలో ప్రముఖ నటుడు అరవింద స్వామి కనిపించనున్నాడు. ఇక ఈరోజు ఎంజీఆర్ 103వ జయంతి సందర్భంగా ఈ చిత్రం నుండి అయన లుక్ ను విడుదలచేశారు. ఈ లుక్ కు సూపర్ రెస్పాన్స్ వస్తుంది. ఈ స్టిల్ లో అచ్చం ఎంజీఆర్ లాగే కనిపించాడు అరవింద స్వామి. ఇక ఆయనతోపాటు ఈ చిత్రంలో శశికళ పాత్రలో ప్రియమణి నటిస్తుంది.
ప్రముఖ రచయిత విజయేంద్ర ప్రసాద్ స్క్రిప్ట్ అందిస్తున్న ఈ చిత్రాన్ని విబ్రి మీడియా పతాకం పై విష్ణు ఇందూరి నిర్మిస్తున్నాడు. హిందీ లో తెరకెక్కుతున్న ఈ చిత్రం తమిళ్ తోపాటు తెలుగు లోనూ విడుదలకానుంది. కాగా తమిళ , తెలుగు వెర్షన్ లకు 'తలైవి' అనే టైటిల్ ను ఖరారు చేయగా హిందీ వెర్షన్ కు మాత్రం 'జయ' అనే టైటిల్ ను పెట్టారు. జివి ప్రకాష్ సంగీతం అందిస్తున్న ఈ చిత్రం జూన్ 26న విడుదలకానుంది.
ఇదిలా ఉంటే లేడీ డైరెక్టర్ ప్రియదర్శి డైరెక్షన్ లో జయలలిత జీవిత చరిత్ర ఆధారంగా మరో బయోపిక్ తెరకెక్కతుంది. ది ఐరన్ లేడీ అనే టైటిల్ తో రానున్న ఈ చిత్రంలో నిత్య మీనన్ ప్రధాన పాత్రలో నటిస్తుంది. ఈ సినిమా షూటింగ్ తుది దశకు చేరుకుంది. ఫిబ్రవరి 20న తమిళ్ తోపాటు తెలుగు , కన్నడ ,హిందీ లో ఈ చిత్రాన్ని విడుదలచేయనున్నారు.
