సెన్సేషనల్ స్టార్ విజయ్ దేవరకొండ హీరోగా తెరకెక్కుతున్న తాజా చిత్రం వరల్డ్ ఫేమస్ లవర్. డియర్ కామ్రేడ్ సినిమాతో నిరాశపరిచిన విజయ్ ఈ సినిమా మీద చాలా ఆశలు పెట్టుకున్నాడు. ఓనమాల, మళ్లీ మళ్లీ ఇది రాని రోజు లాంటి క్లాస్ సినిమాలను తెరకెక్కించిన క్రాంతి మాధవ్ ఈ సినిమాకు దర్శకుడు. విజయ్ నాలుగు డిఫరెంట్ లుక్స్లో కనిపిస్తున్న సినిమా ట్రైలర్ ఇటీవల విడుదలైంది.
అయితే ఈ ట్రైలర్లో ఎక్కువగా అర్జున్ రెడ్డి ఛాయలు కనిపించటంతో అభిమానులు పెదవి విరిచారు. ప్రేమికుల రోజు కానుకగా ఈనెల 14న వరల్డ్ ఫేమస్ లవర్ ప్రేక్షకుల ముందుకు రానుంది. ఇప్పటికే ప్రమోషన్ కార్యక్రమాలు ఫుల్ స్వింగ్లో జరుగుతున్నాయి. అయితే ఈ సినిమాకు సంబంధించిన మరో ఇంట్రస్టింగ్ న్యూస్ మీడియా సర్కిల్స్లో హల్చల్ చేస్తోంది.
ప్రస్తుతం విజయ్ దేవరకొండకు ఉన్న క్రేజ్ను దృష్టిలో పెట్టుకొని స్టార్ ప్రొడ్యూసర్స్ కూడా ఆయనతో సినిమాలు చేసేందుకు ఇంట్రస్ట్ చూపిస్తున్నారు. దీంతో ఒక్కో సినిమా విజయ్ ఞ కోట్లకు పైగానే పారితోషికం డిమాండ్ చేస్తున్నాడట. అయితే ఇంత క్రేజ్ ఉన్న విజయ్ వరల్డ్ ఫేమస్ లవర్ విషయంలో మాత్రం చాలా తక్కువ పారితోషికమే తీసుకుంటున్నాడన్న టాక్ వినిపిస్తోంది.
విజయ్ గత చిత్రాలు ఫెయిల్యూర్స్ కావటంతో పాటు, ఈ సినిమా ప్రయోగాత్మకంగా తెరకెక్కుతుండటంతో రెమ్యూరేషన్ విషయంలో కూడా కోత పెట్టారట. క్రియేటివ్ కమర్షియల్స్ బ్యానర్లో తెరకెక్కుతున్న ఈ సినిమాలో విజయ్కు జోడిగా నలుగురు హీరోయిన్స్ నటిస్తున్నారు. రాశీఖన్నా, ఐశ్వర్యా రాజేష్, కేథరిన్ థ్రెస్సా, ఇసా బెల్లాలు విజయ్ ప్రియురాళ్లుగా కనిపించనున్నారు. మరి ఈ సినిమా అయిన విజయ్ దేవరకొండ కెరీర్ను తిరిగి గాడిలో పెడుతుందేమో చూడాలి. ఈ సినిమా తరువాత పూరి జగన్నాథ్ దర్శకత్వంలో ఓ సినిమా చేస్తున్నాడు విజయ్ దేవరకొండ. బాక్సింగ్ బ్యాక్డ్రాప్లో తెరకెక్కుతున్న ఈ సినిమాను హిందీలోను రిలీజ్ చేయనున్నారు.