ಬೆಂಗಳೂರು: ಸ್ಯಾಂಡಲ್ ವುಡ್ ನಲ್ಲಿ ಬಿಡುಗಡೆ ಯಾದಾಗಿನಿಂದಲೂ ಇಂದಿನವರೆಗೂ ಮಕ್ಕಳಿಂದ ಹಿಡಿದು ಮುದುಕರ ವರೆಗೂ ಮಸ್ತ್ ಮನರಂಜನೆ ನೀಡೋ "ಚುಟು... ಚುಟು... ಹೇ, ಮಾಮ, ಚುಟು... ಚುಟು..." ಹಾಡು. ಹೌದು, ಇದೀಗ ಈ ಚಿತ್ರಕ್ಕೆ ಬರೋಬ್ಬರಿ 100 ಮಿಲಿಯನ್ ವಿವ್ಸ್ ಪಡೆದಿದೆ. 
 
ನಟ ಶರಣ್‌ ಹಾಗೂ ಆಶಿಕಾ ರಂಗನಾಥ್‌ ಜೋಡಿಯಾಗಿ ಹೆಜ್ಜೆ ಹಾಕಿದ್ದ “ರಾಂಬೋ-2′ ಚಿತ್ರದ “ಚುಟು ಚುಟು ಅಂತೈತಿ…’ ಹಾಡನ್ನು ಬಹುತೇಕರು ನೋಡಿರುತ್ತೀರಿ. 2018ರ ಮಾರ್ಚ್‌ 21ರಂದು ಬಿಡುಗಡೆ ಯಾದ ಈ ಹಾಡು ಇದೀಗ ಯು ಟ್ಯೂಬ್‌ನಲ್ಲಿ ಹೊಸ ದಾಖಲೆ ಬರೆದಿದೆ. ಹೌದು, “ರಾಂಬೋ-2′ ಚಿತ್ರದ “ಚುಟು ಚುಟು ಅಂತೈತಿ…’ ಹಾಡು ಇದೀಗ ಆನಂದ್‌ ಆಡಿಯೋ ಯು-ಟ್ಯೂಬ್‌ ಚಾನಲ್‌ ನಲ್ಲಿ ಬರೋಬ್ಬರಿ 100 ಮಿಲಿಯನ್‌ ವೀಕ್ಷಣೆಯ ಗಡಿ ದಾಟಿದೆ. ಈ ಮೂಲಕ ಇದೇ ಮೊದಲ ಬಾರಿಗೆ ಕನ್ನಡ ಸಿನಿಮಾದ ಹಾಡೊಂದು 100 ಮಿಲಿಯನ್‌ ವೀಕ್ಷಣೆಯ ಗಡಿ ದಾಟಿದ್ದು, ಆ ಹೆಗ್ಗಳಿಕೆಗೆ “ಚುಟು ಚುಟು ಅಂತೈತಿ…’ ಹಾಡಿನ ಪಾಲಾಗಿದೆ. 
 
“ರಾಂಬೋ-2′ ಸಿನಿಮಾದ ಈ ಹಾಡಿಗೆ ಅರ್ಜುನ್‌ ಜನ್ಯ ಸಂಗೀತ ಸಂಯೋಜಿಸಿದ್ದರು. ಉತ್ತರ ಕರ್ನಾಟಕ ಶೈಲಿಯಲ್ಲಿ, ಜಾನಪದ ಸೊಗಡಿನಲ್ಲಿ ಮೂಡಿಬಂದ ಈ ಹಾಡು ಎಲ್ಲ ವರ್ಗದ ಪ್ರೇಕ್ಷಕರಿಗೂ ಇಷ್ಟವಾಗಿತ್ತು. ಶಿವು ಬೇರ್ಗಿ ಸಾಹಿತ್ಯ ಇದ್ದ ಈ ಹಾಡಿಗೆ ರವೀಂದ್ರ ಸೊರಗಾವಿ, ಶಮಿತಾ ಮಲ್ನಾಡ್‌ ಸೊಗಸಾಗಿ ಧ್ವನಿಯಾಗಿದ್ದರು. ಇತ್ತೀಚೆಗೆ ಇದೇ ಸಂಭ್ರಮವನ್ನು ಹಂಚಿಕೊಳ್ಳಲು ಸಮಾರಂಭವನ್ನು ಆಯೋಜಿಸಿದ್ದ “ಆನಂದ್‌ ಆಡಿಯೋ’, ಚಿತ್ರದ ಹಾಡಿನ ಯಶಸ್ಸಿಗೆ ಕಾರಣರಾದ ಚಿತ್ರತಂಡದ, ಕಲಾವಿದರು, ತಂತ್ರಜ್ಞರನ್ನು ಸನ್ಮಾನಿಸಿತು. 
 
ಸಮಾರಂಭದಲ್ಲಿ ನಟ ಶ್ರೀಮುರಳಿ, ಶರಣ್‌, “ಆನಂದ್‌ ಆಡಿಯೋ’ ಪರವಾಗಿ ಆನಂದ್‌ ಛಾಬ್ರಿಯಾ, ಶ್ಯಾಂ ಛಾಬ್ರಿಯಾ ಸೇರಿದಂತೆ ಚಿತ್ರರಂಗದ ಅನೇಕ ಗಣ್ಯರು ಹಾಜರಿದ್ದರು. ಇದೀಗ ಮಗದೊಮ್ಮೆ ಚಿತ್ರಕ್ಕೆ ದೊಡ್ಡ ಬ್ರೇಕ್ ಥ್ರೂ ನೀಡಿದ್ದು, ""ಚುಟು... ಚುಟು... ಹೇ, ಮಾಮ, ಚುಟು... ಚುಟು... ಅಂತೈತಿ" ಹಾಡು ಮತ್ತೊಮ್ಮೆ ಸದ್ದು ಮಾಡಲು ಶುರು ಮಾಡಿದೆ.

మరింత సమాచారం తెలుసుకోండి: