ఏ మాటకు ఆ మాట చెప్పుకోవాలి గాని టాలీవుడ్ లో రష్మిక మంధన పట్టింది అల్లా బంగారమే అవుతుంది. ఆమె ఏ సినిమా చేసినా హిట్ అవుతుంది. ఈ ఏడాది రెండు సినిమాలు చేసింది. ఆ రెండు సినిమాలు కూడా సూపర్ హిట్ అయ్యాయి. మహేష్ బాబు సరసన నటించిన సరిలేరు నీకెవ్వరు సినిమా మంచి హిట్ కాగా తాజాగా వచ్చిన భీష్మ కూడా హిట్ టాక్ తెచ్చుకుంది. ఈ రెండు సినిమాలతో మంచి ఫాలోయింగ్ కూడా తెచ్చుకుంది. నటన పరంగా కూడా పాప మంచి మార్కులే కొట్టేసింది.
మహేష్ లాంటి హీరో పక్కన ఏ మాత్రం ఇబ్బంది పడకుండా నటించింది ఈ అమ్మడు. ఇక సుకుమార్, అల్లు అర్జున్ కాంబినేషన్ లో రాబోయే సినిమాలో ఈ భామ నటిస్తుంది అని ప్రచారం జరుగుతుంది. ఇప్పటికే ఇది ఫైనల్ కూడా అయిపోయినట్టు సమాచారం. ఇక పారితోషికం కూడా ఈ మధ్య భారీగానే పెంచేసింది అంటున్నాయి టాలీవుడ్ వర్గాలు. ఇక ఇదిలా ఉంటే ఇప్పుడు ఈ అమ్మాయి గురించి ఒక వార్త వచ్చింది. కిర్రాక్ పార్టీ తో హీరోయిన్ గా వచ్చిన ఈ అమ్మాయిని ఇప్పుడు ఆ సినిమా సీక్వెల్ లో మళ్ళీ తీసుకోవాలని భావిస్తున్నాడు దర్శకుడు.
ఈ సినిమా షూటింగ్ సమయంలోనే హీరో రక్షిత్ తో రష్మిక ప్రేమలో పడింది. ఇద్దరూ పెళ్లి చేసుకోవాలని నిర్ణయించుకున్నారు. ఏమైందో ఏమో తెలియదు గాని వాళ్ళు విడిపోయారు. ఇరు కుటుంబాల పెద్దలనూ ఒప్పించి గ్రాండ్‌గా నిశ్చితార్థం కూడా చేసుకున్నారు. `కిరాక్‌పార్టీ` సినిమాకు సీక్వెల్ చేయాలని రక్షిత్ ప్లాన్ చేస్తున్నాడట. నిర్మాణంతోపాటు దర్శకత్వం కూడా చేపడుతున్నాడట. `కిరాక్‌పార్టీ`లో నటించిన నటులు అందరిని ఈ సీక్వెల్ లోనూ తీసుకోవడానికి ప్లాన్ చేస్తున్నాడని టాక్. ఇందుకోసం రష్మిక మందన్నా ని మళ్ళీ కలవాలని భావిస్తున్నాడు. మరి ఆమె ఏమంటుందో చూడాలి.
