1983 వన్డే ప్రపంచ కప్ రూపంలో భారత్ కు మొదటి వరల్డ్ కప్ అందించిన టీమిండియా లెజండరీ కెప్టెన్ కపిల్ దేవ్ జీవితం ఆధారంగా హిందీలో తెరకెక్కుతున్న చిత్రం 83. కబీర్ ఖాన్ డైరెక్షన్ లో రూపొందుతున్న ఈ చిత్రంలో బాలీవుడ్ స్టార్ హీరో రణ్వీర్ సింగ్ , కపిల్ దేవ్ పాత్రలో నటిస్తుండగా కపిల్ దేవ్ భార్య రోమి దేవ్ పాత్ర లో రణ్వీర్ సతీమణి దీపికా పదుకొనే కనిపించనుంది. ఇటీవలే షూటింగ్ పూర్తి చేసుకున్న ఈచిత్రం ప్రస్తుతం నిర్మాంతర కార్యక్రమాలను జరుపుకుంటుంది. ఇటీవల విడుదలైన ప్రచార చిత్రాలు సూపర్ రెస్పాన్స్ తెచ్చుకోవడంతో 83 పై భారీ అంచనాలు వున్నాయి.
ఇక ఈ చిత్రం ఏప్రిల్ 10న విడుదలకావాల్సి ఉండగా ప్రస్తుతం కరోనా వల్ల విడుదల వాయిదా పడిందని త్వరలోనే విడుదల తేదిని ప్రకటిస్తామని మేకర్స్ అధికారికంగా ప్రకటించారు. త్వరలో ఈసినిమా ట్రైలర్ ను విడుదలచేయనున్నారు.ఈచిత్రంలో ప్రముఖ మాజీ క్రికెటర్ల పాత్రల్లో తమిళ నటుడు జీవా ,రాజ్ బాసిన్, పంకజ్ త్రిపాఠి,బోమన్ ఇరానీ సాహిల్ కట్టర్ తదితరులు నటిస్తున్నారు. ఇదిలావుంటే ఈ చిత్రం
హిందీ తోపాటు తెలుగు ,తమిళ భాషల్లో కూడా విడుదలకానుంది. తెలుగులో 83ని
కింగ్ నాగార్జున విడుదలచేస్తుండగా తమిళం లో ప్రముఖ
హీరో కమల్ హాసన్ విడుదలచేయనున్నాడు. రిలయెన్స్ ఎంటర్ టైన్మెంట్స్, విబ్రి క్రియేషన్స్ సంయుక్తంగా ఈ చిత్రాన్ని నిర్మిస్తున్నాయి.