ഫഹദ് ഫാസിൽ നായകനായി എത്തിയ ട്രാൻസ്. റിലീസിന് ശേഷം സമൂഹമാധ്യമങ്ങളിൽ സജീവമായി ഈ സിനിമ ചര്‍ച്ച ചെയ്യപ്പെട്ടിരുന്നു. ഒരു പാട് കാലം കാത്തിരുന്ന ശേഷമാണ് ചിത്രം തിയേറ്ററുകളില്‍ എത്തിയത്. റിലീസ് ചെയ്ത ശേഷം ചിത്രം തിയറ്ററുകളിൽ മികച്ച അഭിപ്രായം നേടിയിരുന്നു.എവിടെയാണ് ഈ വീട് എന്നതിനെ കുറിച്ച് ആരാധകര്‍ ഏറെ ചോദ്യങ്ങള്‍ ഉന്നയിച്ചിരുന്നു.
ഇപ്പോഴിതാ വീടിനെ കുറിച്ച് വെളിപ്പെടുത്തലുമായി കലാസംവിധായകന്‍ അജയന്‍ ചാലിശേരി രംഗത്തെത്തിയിരിക്കുന്നു.ലോക്ക്ഡൗൺ കാലത്ത് മലയാളികൾ ഏറ്റവുമധികം ചര്‍ച്ചചെയ്ത ചിത്രമാണ് ട്രാൻസ്. ചിത്രത്തിലെ ഫഹദിന്‍റെ കഥാപാത്രം ഏറെ ശ്രദ്ധപിടിച്ച് പറ്റിയിരുന്നു. ചിത്രത്തിൽ ഏറെ ശ്രദ്ധിക്കപ്പെട്ട മറ്റൊന്നായിരുന്നു ഫഹദ് താമസിച്ചിരുന്ന വീട്. കന്യാകുമാരി കടൽക്കരയോട് ചേർന്നുളള കെട്ടിടത്തിൽ നിന്നും വാടകക്കാരെ താൽക്കാലികമായി ഒഴിപ്പിച്ചാണ് വീട് ഒരുക്കിയത്.
അടുക്കള, വിജുവിന്‍റെ മുറി, അനിയന്‍റെ മുറി ഇവയെല്ലാം സെറ്റിട്ടതായിരുന്നു. എന്നാണ് അജയന്‍ പറയുന്നത്.ട്രാന്‍സ് സിനിമയില്‍ ഏറെ ശ്രദ്ധനേടിയ ഫഹദിന്‍റെ കഥാപാത്രമായിരുന്നു വിജു പ്രസാദ്. വിജു പ്രസാദ് എന്ന കഥാപാത്രം അനിയനുമൊത്ത് താമസിച്ച വീടിനെ കുറിച്ചുള്ള വിശേഷങ്ങളാണ് കലാസംവിധായകൻ അജയൻ ചാലിശ്ശേരി പങ്കുവച്ചിരിക്കുന്നത്.
വിജുവിന്‍റെ കുടുംബപശ്ചാത്തലവും ദുരിതങ്ങളും ഈ വീട് കാണിക്കുന്നതിലൂടെ വരച്ചു കാട്ടാന്‍ സഹായിച്ചിട്ടുണ്ട് വീട്ടിലെ വാടകക്കാരെ തൽക്കാലം ഒഴിപ്പിച്ചാണ് വിജുവിനായി വീട് സെറ്റ് ഇട്ടത്. അടുക്കളയാണ് വിജുവിന്‍റെ മുറിയായി സെറ്റ് ചെയ്തത്. അനിയന്‍റെ മുറിയും തൊട്ടടുത്ത് തന്നെ സെറ്റ് ഇട്ടെന്നും ചിത്രത്തിന്‍റെ കലാസംവിധായകൻ ഫെയ്സ്ബുക്കില്‍ കുറിച്ചു.ആ വീടിന്‍റെ പഴയ രൂപം കാണിക്കുന്ന ചിത്രങ്ങള്‍ കലാസംവിധായകൻ ഫെയ്സ്ബുക്കില്‍ പങ്കുവെക്കുകയായിരുന്നു.
എന്തായാലും ചിത്രങ്ങള്‍ സോഷ്യല്‍ മീ‍ഡിയയില്‍ ചര്‍ച്ചയായി കഴിഞ്ഞു.പഴയതും നല്ല പോലെ ഉപയോഗ ശൂന്യമായ സാധനങ്ങൾ തപ്പിയെടുത്ത്‌ ആ വീട്ടില്‍ നിറക്കുകയായിരുന്നു.
വിജുവിന്‍റെ കുട്ടിക്കാലം ചിത്രീകരിച്ച വീടും പരിസരത്ത്‌ ഉളളത്‌ തന്നെ. വളരെ ഭംഗിയേറിയ കന്യാകുമാരി കടൽക്കരയോട് ചേർന്നുളള ഒരു പഴയ ശൈലിയിലുളള കെട്ടിടത്തിന്‍റെ മുകൾ നിലയിലാണ് ഈ വീട് ഉള്ളത്.
