సల్మాన్ ఖాన్ మంచి నటుడు. బాలీవుడ్ సూపర్ స్టార్. ఇప్పటికి ముప్పయ్యేళ్ళుగా ఇండస్ట్రీని శాసిస్తున్న గ్రేట్ పవర్ ఫుల్ స్టార్. సల్మాన్ ఖాన్ అక్కడ రికార్డులు బద్దలు కొట్టించిన సినిమాలు రీమేక్ చేసుకుని హీరోలుగా వెలిగిపోయిన వారు టాలీవుడ్లో ఎంతో మంది ఉన్నారు. ఇక నిజ జీవితంలో కూడా సల్మాన్ ఖాన్ హీరో అనిపించుకుంటున్నాడు.
ఆయన తాజాగా కరోనా వైరస్ కారణంగా లాక్ డౌన్ బారిన పడి ఇబ్బందులు పడుతున్న బాలీవుడ్ పరిశ్రమ సినీ కార్మికులకు గొప్ప మనసు చూపించి సాయం చేస్తున్నాడు. ఒకరు ఇద్దరూ కాదు, మొత్తానికి మొత్తం పాతిక వేల మంది సినీ కార్మికులకు తలా ఓ మూడు వేల రూపాయలు వంతున సల్మాన్ ఖాన్ సాయం అందించాడు. ఇది ఒక నెలకు మాత్రమేని. ఇలా ప్రతీ నేలా పాతిక వేల మంది కార్మికుల ఖాతాలో మూడు వేలు వంతున వేస్తూనే ఉంటానని సల్మాన్ ఖాన్ ప్రకటించాడు.
నిజంగా ఆయన్ని వేణ్ణోళ్ళ పొగడాలి. కష్టకాలంలో ఆదుకున్న వాడే హీరో. పేరుకు ముందు ట్యాగులు తగిలించుకుంటూ తామే సూపర్ గ్రేటర్ స్టార్లు అనుకునే వారంతా షాక్ తినేలా సల్మాన్ ఖాన్ సాయం చేస్తున్నాడు. ఏ ఒక్కరనీ ఆయన దేబిరించలేదు. పేద కళాకారులను ఆదుకుంటాం చందాలివ్వండి అని ఒక్క పైసా చేయి చాచి అడగలేదు అదేదో గొప్ప పదవిలా ఫేల్ అయి లీడర్ గా మారిపోలేదు,తానే ఒక నిధిగా, పెన్నిధిగా మారాడు.
ఇక ఆయన వరసలో మరో హీరో అక్షయ కుమార్ మూడు కోట్ల రూపాయలు సినీ కార్మికులను ఆదుకోవడానికి ఇచ్చాడు ఇంతకు ముందే అక్షయకుమార్ పాతిక కోట్ల రూపాయల భారీ మొత్తాన్ని ప్రధాని సహాయార్ధం ఇచ్చాడు. ఇలా బాలీవుడ్ లో దిగ్గజాలు స్పందిస్తున్నారు.
మన తెలుగు సీమలో కూడా కోట్లు ఆర్జించే హీరోలు ఉన్నారు. ఎవరికి వారు ఇలా పెద్ద మొత్తంలో విరాళాలు ఇస్తే సినీ కార్మికులే కాదు, తెలుగు రాష్ట్రాల పేదలకు సాయం అంధించిన‌ట్లవుతుంది. ఇప్పటికీ మన హీరోలు సాయం చేశారు. కాదనలేము కానీ ఇంకా పెద్ద సాయం చేయగల స్తోమత ఉన్న వారు మన టాలీవుడ్లో ఎందరో ఉన్నారు. వారు కూడా సల్మాన్, అక్షయ్ స్పూర్తితో ముందుకు రావాలి. అపుడే అందరూ బాగుంటారు.
