ప్రపంచం మొత్తాన్ని ఎంటర్ టైన్ చేసే వినోద సాధనం సినిమా మాత్రమే. అలాంటి సినిమాకు కరోనా వైరస్ వచ్చి పెద్ద బ్రేక్ వేసేసింది. సినీ పరిశ్రమ మొత్తం కకావికలమైపోయింది. ఎందరో కార్మికులు, సినిమాల రన్ మీద ఆధారపడే ధియేటర్లు, స్టాఫ్.. ఇలా ఎంతమందికి ఉపాధి కరువైంది. వీళ్లందరి జీవితాలపై కరోనా తీవ్ర ప్రభావమే చూపించింది. కేవలం కార్మికులు, ధియేటర్ స్టాఫ్ తో పాటు ప్రేక్షకులకు కూడా అన్యాయం జరిగిపోయింది. ఎటువంటి ఎంటర్ టైన్మెంట్ లేకుండా ఇళ్లకే పరిమితమైపోయారు.

 

 

విసుగెత్తిన ప్రేక్షకుల్లోని కొంతమంది క్రియేటివ్ పర్సన్స్ కరోనాపై సినిమా రికార్డుల పోస్టర్ లా డిజైన్ చేశారు. ఈ పోస్టర్ లో చైనా అధ్యక్షుడిని హీరోగా చూపించారు. సినిమా టైటిల్ గా ‘కరోనా వైరస్’ ను పెట్టారు. సమ్మర్ విన్నర్ అని ప్రకటించారు. 209 దేశాలకు విస్తరించిన కరోనాకు గుర్తుగా 209 సెంటర్లలో 100 రోజులు అంటూ మెన్షన్ చేశారు. వందేళ్ల తర్వాత వచ్చిన మహమ్మారిగా చెప్పుకుంటున్నాం కాబట్టి వందేళ్ల తర్వాత వచ్చిన భారీ బ్లాక్ బస్టర్ అంటూ అభివర్ణించారు. పోస్టర్ బ్యాక్ డ్రాప్ లో స్మశానం, టైటిల్ లో గబ్బిలాలను చూపిస్తూ కరోనాను సింబాలిక్ గా చూపించారు. డబ్ల్యూ హెచ్ ఓ సహకారంతో జిన్ పింగ్ సమర్పించు కరోనా వైరస్ గా పోస్టర్ వేశారు.

IHG

 

సరదాగా క్రియేటివ్ మైండ్ తో చేసిన ఈ పోస్టర్ ఇప్పుడు ఇంటర్నెట్ లో విపరీతంగా వైరల్ అవుతోంది. కొత్త సినిమాల కోసం ప్రేక్షకులు, తమ హీరోల కొత్త సినిమాల కోసం ఫ్యాన్స్ కు ఎదురుచూపులే మిగిలాయి. ముఖ్యంగా మన దక్షిణాది భాషల్లో సినిమాకు ప్రజలకు అవినాభావ సంబంధం ఉంటుంది. దీంతో సినిమాటిక్ స్టైల్లోనే ఈ పోస్టర్ ను డిజైన్ చేశారు. మొత్తానికి క్రియేటివిటీకి హద్దు లేదని నిరూపించారు మన ఆడియన్స్.

 

మరింత సమాచారం తెలుసుకోండి: