'అయ్యప్పనుమ్ కోసియుమ్'...ఈ మధ్య టాలీవుడ్ లో ఎక్కువగా వినిపిస్తున్న పేరు. ఇది మలయాళంలో రీసెంటుగా విడుదలై ఘన విజయం సాధించిన ఒక సినిమా. ఈ సినిమాలో పృథ్వీరాజ్, బిజూ మీనన్ ప్రధాన పాత్రలు పోషించారు. ఈ సినిమాను ఇతర దక్షిణాది భాషల్లో రిలీజ్ చేయడానికి నిర్మాతలు చూస్తున్నారు. తెలుగు విషయానికి వస్తే ఈ సినిమా రీమేక్ రైట్స్ హారిక హాసిని ఎంటర్టైన్మెంట్స్ వాళ్ళు సొంతం చేసుకున్నారని సమాచారం. అయితే ఇక్కడి దాకా అంతా బాగానే ఉంది. దీంట్లో ఎవరు నటించబోతున్నారనే దానిపై రోజొక వార్త వాస్తు ఉంది. మొన్నటి దాకా విక్టరీ వెంకటేష్ - రవితేజలతో రీమేక్ చేస్తున్నట్లు వార్తలొచ్చాయి. తర్వాత బాలయ్య - ఎన్టీఆర్ కలిసి చేస్తున్నారంటూ మరో వార్త బయటకు వచ్చింది. అక్కడితో ఆగకుండా బాలయ్య - మంచు విష్ణు నటిస్తున్నట్లు మరో వార్త పుట్టుకొచ్చింది. అయితే ఇప్పుడు తాజాగా ఈ చిత్రానికి సంబంధించి మరో వార్త వచ్చింది.
ఈ సినిమాలో పృథ్వీరాజ్ పోషించిన కోషియమ్ క్యారెక్టర్ కు రానాను తీసుకునే ఆలోచన చేస్తున్నట్లు తెలుస్తోంది. ఈ పాత్ర చేయడానికి రానా కూడా ఆల్మోస్ట్ అంగీకరించాడంట. కోసియుమ్ పాత్రలో బాలకృష్ణను తీసుకోవాలనుకున్నారు. కానీ బాలకృష్ణ ఆ పాత్ర చేసేందుకు ఆసక్తికనబరచక పోవటంతో ఆ పాత్రలో మాస్ రాజా రవితేజ రవితేజ అయితే ఎలా ఉంటుందని ఆలోచిస్తున్నారట. రవితేజ కూడా ఆ పాత్రకు దాదాపు ఓకే చేసినట్టుగా ప్రచారం జరుగుతోంది. థ్రిల్లర్ సినిమాల స్పెషలిస్ట్ సుధీర్ వర్మ ఈ సినిమాకు దర్శకత్వం వహించే అవకాశం ఉంది. అంతేకాకుండా ఈ సినిమాను తెలుగులో సురేష్ ప్రొడక్షన్స్ - హారికా అండ్ హాసిని క్రియేషన్స్ బ్యానర్ లపై తెరకెక్కించేందుకు ప్లాన్ చేస్తున్నారట. అన్ని అనుకున్నట్టుగా సెట్ అయితే లాక్ డౌన్ పూర్తయిన వెంటనే సినిమాను సెట్స్ మీదకు తీసుకెళ్లేందుకు ప్లాన్ చేస్తున్నారట. రేపో మాపో అధికారిక ప్రకటన వచ్చే అవకాశం ఉంది.
