టాలీవుడ్ అగ్ర హీరోలలో ఒకరు మెగాస్టార్ చిరంజీవి.. ఎన్నో వైవిధ్యమైన సినిమాలలో నటించిన ఈయన సినిమా ఇండస్ట్రీకి మాత్రమే కాకుండా చాలా మంది యువ హీరోలకు కూడా ఆదర్శ ప్రాయంగా మారాడు.. అందుకే ఆయన మెగాస్టార్ అయ్యాడని అభిమానులు అనుకుంటున్నారు.. ఇకపోతే చిరంజీవి లో ముఖ్యంగా అందరికీ నచ్చేది ఎదుటి వారిని ఆదుకోవాలనే ఆలోచన.. మరొకటి చిరు డ్యాన్స్..
అసలు విషయానికొస్తే..టాలీవుడ్‌లో డ్యాన్స్‌కు చిరంజీవి పెట్టింది పేరు. ఎంత మంది యంగ్ హీరోలు వచ్చినా ఇప్పటికీ చిరు స్టెప్పేస్తే సిల్వర్ స్క్రీన్ ఊగిపోవాల్సిందే. ఆయన డ్యాన్స్‌లో అట్రాక్షన్ ఉంటుంది.. జోష్ ఉంటుంది. నాలుగు దశాబ్దాలకు పైగా తన డ్యాన్స్‌తో ప్రేక్షకులను ఎంటర్‌టైన్ చేస్తూనే ఉన్నారు చిరంజీవి. ఈమధ్య ట్విట్టర్‌లో అకౌంట్ ఓపెన్ చేసిన చిరంజీవి తన ట్వీట్లతోనూ వినోదాన్ని పంచుతున్నారు. తన ప్రత్యేకతను చాటుకుంటున్నారు.
ఇదిలా ఉంటే, ఆదివారం చిరంజీవి ఒక వీడియోను ట్వీట్ చేశారు. ఇది కూడా డ్యాన్స్ వీడియో. అలనాటి హీరోయిన్లు సుహాసిని, ఖుష్బూ, జయసుధ, రాధ, రాధక, లిజి ప్రియదర్శన్‌లతో చిరంజీవి స్టెప్పులేసిన వీడియో. ఈ వీడియో ఇప్పుడు మెగా అభిమానులను విశేషంగా ఆకట్టుకుంటోంది. అయితే, ఇది పాత వీడియో.80 దశాబ్దం నటులు కలిసి సందడి చేశారు..
గతేడాది హైదరాబాద్‌లోని చిరంజీవి కొత్త ఇంటిలో ఈ రీయూనియన్ జరిగింది. 80ల నాటి తెలుగు, తమిళ, మలయాళ, హిందీ నటీనటులు ఒక చోట కలిసి సందడి చేశారు. ఈ ఆత్మీయ కలయికలో వెంకటేష్, నాగార్జున, మోహన్‌లాల్, రాధిక, శరత్ కుమార్, ప్రభు, రెహమాన్, భానుచందర్, నరేష్, సురేష్‌, జయసుధ, నదియా, రమ్యకృష్ణ, శోభన, సుహాసిని, రేవతి, సుమలత, రాధ, లిజి, పూర్ణిమ, భాగ్యరాజ్‌, జాకీ ష్రాఫ్‌, జగపతిబాబు తదితరులు పాల్గొన్నారు. రెండు రోజుల పాటు జరిగిన ఆ ప్రోగ్రాంలో అప్పటి హీరోయిన్ల తో చిరు చేసిన సందడి మామూలుగా లేదు.. ప్రస్తుతం ఆ వీడియో వైరల్ అవుతుంది...
