ఇంకా షూటింగ్ కూడా మొదలు కాలేదు అప్పుడే రికార్డులను సృష్టించడం మొదలు పెట్టింది సర్కారు వారి పాట. సూపర్ స్టార్ మహేష్ బాబు 27 వ సినిమాగా రానున్న ఈచిత్రం యొక్క టైటిల్తో కూడిన ప్రీ లుక్ పోస్టర్ నిన్న విడుదలైంది. 24గంటల్లో ట్విట్టర్ లో మోస్ట్ రీట్వీటేడ్ ప్రీ లుక్ ,మోస్ట్ లైకడ్ ప్రీ లుక్ ,మోస్ట్ ట్వీటేడ్ టైటిల్ ట్యాగ్ గా ఈ పోస్టర్ ఆల్ టైం రికార్డు సృష్టించింది. ఇక టైటిల్ తోపాటు మహేష్ ప్రీ లుక్ కు నెటిజన్ల నుండి యూనానిమస్ పాజిటివ్ రెస్పాన్స్ వచ్చింది. ఈ చిత్రంలో మహేష్ , లాంగ్ హెయిర్ తో చెవికి పోగు అలాగే మెడ పై టాటూ తో మాస్ లుక్ లో కనిపించనున్నాడు. కేవలం ఒక్క టైటిల్ పోస్టర్ తోనే సినిమా అంచనాలు భారీగా పెరిగిపోయాయి.
#SarkaruVaariPaata becomes
— GMB Entertainment (@GMBents) June 1, 2020
Most Retweeted Pre Look 💥
Most Liked Pre Look 💥
Most Tweeted Title Tag 💥
( In 24 hours )
రికార్డుల 'వేలం పాట' మొదలు 🔔
Super ⭐ @urstrulyMahesh @ParasuramPetla @MusicThaman @MythriOfficial @GMBents @14ReelsPlus pic.twitter.com/QtpzmtEmHt
గీత గోవిందం ఫేమ్ పరుశురాం డైరెక్షన్ లో పక్కా కమర్షియల్ ఎంటర్టైనర్ గా తెరకెక్కనున్న ఈచిత్రానికి థమన్ సంగీతం అందించనున్నాడు. మైత్రి మూవీ మేకర్స్ ,14 రీల్స్ ప్లస్, జిఎంబి ఎంటర్టైన్మెంట్స్ సంయుక్తంగా నిర్మించనున్న ఈ చిత్రం జులై నుండి సెట్స్ మీదకు వెళ్లనుండగా వచ్చే ఏడాది సంక్రాంతికి విడుదలకానుంది. ప్రస్తుతం ఈసినిమా కోసం హీరోయిన్ ను వెతికే పనిలో వున్నారు మేకర్స్ అందులో భాగంగా మహేష్ కు జోడీగా ఓ కొత్త అమ్మాయిని తీసుకోవాలని భావిస్తున్నారట.
