తెలుగు, తమిళ ఇండస్ట్రీలో శంకర్ దర్శకత్వంలో బాయ్స్ చిత్రంతో హీరోయిన్ ఒక్క మెరుపులా మెరిసింది బాలీవుడ్ బ్యూటీ జెనీలియా. ఆ తర్వాత తెలుగు లో నటించి చిత్రాలు కొన్ని మాత్రమే.. కానీ అవన్నీ దాదాపు సూపర్ హిట్ గా నిలిచాయి. తాజాగా ఈ అమ్మడు బాలీవుడ్ నటుడు రితేశ్ ని పెళ్లి చేసుకొని ఇండస్ట్రీకి దూరంగా ఉంటూ వచ్చింది. బొమ్మరిల్లు, సై, రెడీ చిత్రంలో అల్లరి చేస్తూ అందరినీ నవ్వించింది అందాల తార జెనీలియా. పెళ్లి తర్వాత సినిమాలకు విరామం తీసుకున్న ఈ బ్యూటీ.. ఇటీవల సోషల్ మీడియాలో చురుకుగా ఉంటోంది.
తాజాగా బాహుబలి..ది బిగినింగ్ చిత్రంలోని మనోహరి పాటను డ్యాన్స్ చేసి అదరహో అనిపించింది.విశాలమైన ప్రదేశంలో ఉన్న ఇసుకలో గాల్లోకి ఎగురుతూ మనోహరి పాటకు స్టెప్పులేసింది. అంతే కాదు ఈ అమ్మడు ‘సంతోషంగా ఉన్నపుడు డ్యాన్స్ చేయండి..’ అంటూ క్యాప్షన్ పెట్టింది.
జెనీలియా లాక్ డౌన్ షురూ అయినప్పటి నుంచి తన అభిమానులు, ఫాలోవర్లకు బోరు కొట్టకుండా వినోదాన్ని అందించేందుకు ఫన్నీ టిక్ టాక్ వీడియోలు ఇన్ స్టాలో పోస్ట్ చేస్తోంది. ఇక ఓ యూజర్ స్పందిస్తూ మీ వీడియో నా ముఖంలో నవ్వు తెప్పించిందని కామెంట్ పెట్టాడు. మీరు చాలా సంతోషంగా ఉన్నారని మరో నెటిజన్ కామెంట్ పోస్ట్ చేశాడు.