ಉಗ್ರಂ ಮೂಲಕ ಕನ್ನಡ ಚಿತ್ರರಂಗಕ್ಕೆ ನಿರ್ದೇಶಕರಾಗಿ ಪರಿಚಿತರಾಗಿ ಕೆಜಿಎಫ್ ಮೂಲಕ ಇಡೀ ಭಾರತೀಯ ಚಿತ್ರರಂಗದಲ್ಲೇ ಗುರುತಿಸಿಕೊಂಡರು, ಸದ್ಯಕ್ಕೆ ಪ್ರಶಾಂತ್ ನೀಲ್ ಕೆಜಿಎಫ್-2 ನ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದು, ಇದು ತೆರೆಕಂಡ ಬಳಿಕ ಮತ್ಯಾವ ಸಿನಿಮಾವನ್ನು ಕೈಗೆತ್ತಿಕೊಳ್ಳುವರು ಎಂಬ ಪ್ರೆಶ್ನೆ ಎಲ್ಲರನ್ನೂ ಕೂಡ ಕಾಡಿತ್ತು ಆದರೆ ಈಗ ಕೆಜಿಎಫ್-2 ನಂತರದ ಪ್ರಶಾಂತ್ ನೀಲ್ರ ಮತ್ತೊಂದು ಚಿತ್ರ ಯಾವುದು ಎಂಬುದರ ಬಗ್ಗೆ ಈಗ ಸ್ಪಷ್ಟವಾಗಿದೆ ಅಷ್ಟಕ್ಕೂ ಪ್ರಶಾಂತ್ ನೀಲ್ ಅವರ ಮುಂದಿನ ಸಿನಿಮಾ ಯಾವುದು ಗೊತ್ತಾ..?
ಕೆಜಿಎಫ್ -2 ನಂತರ ಪ್ರಶಾಂತ್ ನೀಲ್ ಮುಂದಿನ ಸಿನಿಮಾ ಯಾವ್ದು ಅನ್ನೋ ಪ್ರಶ್ನೆ ಬಹಳ ದಿನಗಳಿಂದ ಅಭಿಮಾನಿಗಳನ್ನು ಕಾಡ್ತಿದೆ. ಪ್ರಭಾಸ್, ಮಹೇಶ್ ಬಾಬುನಾ ಬಿಟ್ಟು, ನೀಲ್ ಜೂನಿಯರ್ ಎನ್ಟಿಆರ್ಗೆ ಸಿನಿಮಾ ಮಾಡೋದು ಪಕ್ಕಾ ಆಗಿದೆ ಅಂತ್ಲೇ ಕೆಲವರು ಫಿಕ್ಸ್ ಆಗಿದ್ದಾರೆ. ಇದೀಗ ಈ ಸುದ್ದಿಗೆ ಮತ್ತಷ್ಟು ಪುಷ್ಟಿ ಕೊಡುವಂತೆ , ಚಿತ್ರಕ್ಕೆ ಟೈಟಲ್ ಕೂಡ ರಿಜಿಸ್ಟರ್ ಆಗಿದೆ ಅನ್ನೋ ಮಾತು ದಟ್ಟವಾಗಿದೆ.
ಕೆಜಿಎಫ್ ಸಿನಿಮಾ ಮೂಲಕ ಇಡೀ ಭಾರತೀಯ ಚಿತ್ರರಂಗದಲ್ಲೇ ಗುರುತಿಸಿಕೊಂಡ ನಿರ್ದೇಶಕ ಪ್ರಶಾಂತ್ ನೀಲ್. ಇದೀಗ ಕೆಜಿಎಫ್ 2ನಲ್ಲಿ ಬ್ಯುಸಿಯಾಗಿದ್ದಾರೆ. ಹಾಗಾದ್ರೆ ನೀಲ್ ಮುಂದಿನ ಸಿನಿಮಾ ಯಾವುದು ಅಂತ ಯೋಚನೆ ಮಾಡುತ್ತಿದ್ದ ಸಿನಿಪ್ರಿಯರು ಜೂನಿಯರ್ ಎನ್ಟಿಆರ್ಗೆ ನೀಲ್ ಆಯಕ್ಷನ್ ಕಟ್ ಹೇಳೋದು ಪಕ್ಕಾ ಅಂತ್ಲೇ ಫಿಕ್ಸ್ ಆಗಿದ್ರು. ಮೈತ್ರಿ ಮೂವಿ ಮೇಕರ್ಸ್ ಬ್ಯಾನರ್ನಲ್ಲಿ, ನೀಲ್ ಮತ್ತು ಎನ್ಟಿಆರ್ ಚಿತ್ರಕ್ಕೆ ಟೈಟಲ್ ಕೂಡ ರಿಜಿಸ್ಟರ್ ಮಾಡಿದ್ದಾಗಿದೆಯಂತೆ. ಒಂದಲ್ಲ ಅಂತ ಎರಡು ಟೈಟಲ್ಗಳನ್ನ ರಿಜಿಸ್ಟರ್ ಮಾಡಿದ್ದು, ಎರಡಲ್ಲಿ ಒಂದು ಫೈನಲ್ ಆಗಲಿದ್ಯಂತೆ. ಅಂದ್ಹಾಗೇ ಈ ಟೈಟಲ್ಗಳು ಕೂಡ ಪಕ್ಕಾ ಮಾಸ್ ಟೈಟಲ್ಗಳಾಗಿದ್ದು, ಮೊದಲ ಟೈಟಲ್ ನ್ಯೂಕ್ಲಿಯರ್ ಅಂತ್ಲೂ, ಎರಡನೇ ಟೈಟಲ್ ಮಿಸೈಲ್ ಅಂತ್ಲೂ ರಿಜಿಸ್ಟರ್ ಆಗಿದೆ.
ನಿಮಗೆಲ್ಲಾ ನೆನಪಿರಬಹುದು , ಟಾಲಿವುಡ್ ಯಂಗ್ ಟೈಗರ್ ಹುಟ್ಟುಹಬ್ಬಕ್ಕೆ ಪ್ರಶಾಂತ್ ನೀಲ್ ಬಹಳ ವಿಶೇಷವಾಗಿ ಶುಭಾಶಯ ತಿಳಿಸಿದ್ರು. ನ್ಯೂಕ್ಲಿಯರ್ ಪ್ಲಾಂಟ್ ಪಕ್ಕ ಕುಳಿತರೆ ಆಗುವ ಅನುಭವ ಹೇಗಿರುತ್ತೆ ಅನ್ನೋದು ಗೊತ್ತಾಯಿತು. ಮುಂದಿನ ಸಲ ರೇಡಿಯೇಷನ್ ಸೂಟ್ ಧರಿಸಿಕೊಂಡು ನಿಮ್ಮ ಕ್ರೇಜಿ ಎನರ್ಜಿ ಹತ್ತಿರ ಸುಳಿಯುತ್ತೇನೆ. ಹ್ಯಾಪಿ ಬರ್ತ್ ಡೇ ಸೋದರ. ಶೀಘ್ರದಲ್ಲೇ ಭೇಟಿಯಾಗೋಣ ಅಂತ ಟ್ವೀಟ್ ಮೂಲಕ ವಿಶ್ ಮಾಡಿದ್ರು ನೀಲ್.
ಇದೀಗ ಚಿತ್ರದ ಟೈಟಲ್ ಕೇಳಿದ ಮೇಲೆ ತಮ್ಮ ಶುಭಾಶಯದ ಮೂಲಕವೇ ಎನ್ಟಿಆರ್ ಸಿನಿಮಾ ಟೈಟಲ್ ಬಗ್ಗೆ ಕ್ಲೂ ಕೊಟ್ಟಿದ್ರಾ ನೀಲ್ ಅಂತ ಇದೀಗ ಸಿನಿಪ್ರಿಯರು ಲೆಕ್ಕಾಚಾರ ಹಾಕ್ತಿದ್ದಾರೆ.
ಮೈತ್ರಿ ಮೂವಿ ಮೇಕರ್ಸ್ ಬ್ಯಾನರ್ನಲ್ಲಿ ಪ್ರಶಾಂತ್ ನೀಲ್ ಮತ್ತು NRT ಜೋಡಿ ಸಿನಿಮಾ ಬರುತ್ತೆ ಅನ್ನೋ ಸುದ್ದಿ ಗೆ ಒಂದಲ್ಲ ಒಂದು ರೀತಿಯಲ್ಲಿ ಪುಷ್ಟಿ ಸಿಗ್ತಿದೆ. ಈ ಹಿಂದೆ ಕೂಡ ಹುಟ್ಟುಹಬ್ಬ ಆಚರಿಸಿಕೊಂಡ ನೀಲ್ ಗೆ ಮೈತ್ರೀ ಮೂವಿ ಮೇಕರ್ಸ್ ಸಂಸ್ಥೆ ಶುಭಾಶಯ ಕೋರಿತ್ತು. ರೇಡಿಯೇಷನ್ ಸೂಟ್ನಲ್ಲಿ ನಿಮ್ಮನ್ನ ಭೇಟಿಯಾಗೋದಕ್ಕೆ ಕಾಯುತ್ತಿದ್ದೇವೆ ಅಂತ ಟ್ವೀಟ್ನಲ್ಲಿ ಸಂಸ್ಥೆ ಹೇಳಿತ್ತು. ಇದಕ್ಕೆ ಪ್ರತಿಕ್ರಿಯಿಸಿರೋ ನೀಲ್, ಲಾಕ್ಡೌನ್ನಿಂದ ತಡವಾಗ್ತಿದೆ. ಆದಷ್ಟು ಬೇಗ ಸೂಟ್ ಸಮೇತ ಸಿಗ್ತೀನಿ ಅಂತ ಕಮೆಂಟ್ ಮಾಡಿದ್ರು.
ಈಗ ನೋಡಿದ್ರೆ ಸಿನಿಮಾದ ಟೈಟಲ್ ಕೂಡ ರಿಜಿಸ್ಟರ್ ಆಗಿದ್ಯಂತೆ.ಆದ್ರೆ ಇತ್ತ ಪ್ರಶಾಂತ್ ನೀಲ್ ಕೆಜಿಎಫ್ 2 ಮುಗಿಯೋವರೆಗೆ ಬೇರೆ ಸಿನಿಮಾ ಬಗ್ಗೆ ಮಾತನಾಡೋಲ್ಲ ಅಂತಿದ್ದಾರೆ. ಒಟ್ನಲ್ಲಿ ಈ ಸುದ್ದಿ ಸತ್ಯವೇ ಆದ್ರೆ , ಕನ್ನಡದ ನಿರ್ದೇಶಕನೊಬ್ಬ ಟಾಲಿವುಡ್ನಲ್ಲಿ ಮಿಂಚು ಹರಿಸೋದ್ರಲ್ಲಿ ನೋ ಡೌಟ್.
