ఈమె అలనాటి ప్రముఖ నటి మంజుల పెద్ద కూతురు వనిత. ఈమె దేవీ సినిమాతో తెలుగు ప్రేక్షకులకు దగ్గరైంది వనిత విజయ్ కుమార్. మంజుల పెద్ద కూతురు. మంజూల తమిళ నటుడు విజయ్ కుమార్‌ను పెళ్లి చేసుకున్న విషయం అందరికి తెలిసిందే. అయితే వీరికి ముగ్గురు కూతుళ్లు.
తాజాగా ప్రముఖ తమిళ నటిగా, బిగ్ బాస్ 3 తమిళ ఫేమ్‌గా మారిన వనితా విజయ్ కుమార్ తన మూడో పెళ్ళితో వార్తల్లోకి ఎక్కింది. తెలుగులో కోడి రామకృష్ణ తెరకెక్కించిన దేవి సినిమాలో నటించిన వనితా 2000 సంవత్సరంలో నటుడు ఆకాష్‌ను పెళ్లి చేసుకుంది. వీరికి ఒక కొడుకు, కూతురు పుట్టారు. అయితే అతనితో మనస్పర్థల కారణంగా 2005లో ఆకాశ్ నుండి విడిపోయింది.
ఆ తరువాత 2007లో ఆనంద్‌ జయదర్షన్‌ అనే వ్యాపారవేత్తను రెండోపెళ్లి చేసుకుంది. వీరికి ఒక కూతురు కూడా పుట్టింది. అతనికి కూడా విడాకులు ఇచ్చేసింది వనితా. గత కొద్ది రోజులుగా డాన్స్ మాస్టర్ రాబర్ట్‌తో కూడా వనిత సహజీవనం చేస్తున్నట్లు వార్తలు వచ్చాయి. అయితే ఇప్పుడు మరో వ్యక్తి పీటర్ పాల్‌తో మూడో పెళ్లికి సిద్ధమవుతోంది వనిత.
బాలీవుడ్, కోలీవుడ్, హాలీవుడ్ సినిమా ఇండస్ట్రీలలో పలు సినిమాలకు విజువల్ ఎఫెక్ట్స్ డైరెక్టర్ గా పని చేసిన పీటర్ పాల్ అనే వ్యక్తిని వనితా పెళ్లి చేసుకోబోతోంది. ఈనెల 27న వీరి పెళ్లి కూడా జరుగనుందని సమాచారం. తమిళ సినీ పరిశ్రమలో జోరుగా ప్రచారం కూడా జరుగుతోంది. అయితే ఈ వార్తలపై అఫీషియల్ ప్రకటన మాత్రం ఇంతవరకు రాలేదు.
తెలుగు ఆడియెన్స్ కి దేవి సినిమాతో బాగా దగ్గరైంది. కోడి రామకృష్ణ దర్శకత్వంలో వచ్చిన దేవి సినిమాలో వనితా మెయిన్ లీడ్ లో నటించిన విషయం తెలిసిందే. ఆ సినిమా సక్సెస్ అయినప్పటికి ఎందుకో అనిత పెద్దగా అవకాశాలు అందుకోలేదు. 40 ఏళ్లకు దగ్గర పడుతున్న ఈ వయసులో ఆమె ముచ్చటగా మూడో పెళ్లికి రెడీ అవ్వడం ఇప్పుడు హాట్ టాపిక్‌గా మారింది.
