మహేశ్బాబు 'సర్కారు వారి పాట'లో కీర్తిసురేశ్ హీరోయిన్గా నటించనుంది. ఈ విషయాన్ని ఆమె స్వయంగా వెల్లడించింది. ఇప్పటికే వచ్చిన ఫస్ట్లుక్ పోస్టర్ విపరీతంగా ఆకట్టుకుంటోంది.
సూపర్స్టార్ మహేశ్బాబు కొత్త చిత్రం 'సర్కారు వారి పాట'. గత నెల చివర్లో సూపర్స్టార్ కృష్ణ పుట్టినరోజు సందర్భంగా వచ్చిన టైటిల్ పోస్టర్ ఆసక్తి రేకెత్తించింది. అయితే ఇందులో హీరోయిన్గా ఎవరు నటిస్తున్నారా? అని గతకొద్ది రోజుల నుంచి చర్చ నడుస్తూనే ఉంది. తాజాగా దీనికి సమాధానం దొరికేసింది.
మహానటి తో జాతీయ అవార్డు దక్కించుకున్న కీర్తిసురేశ్ ఇందులో హీరోయిన్గా నటించనుంది. ఇన్‌స్టా లైవ్‌లో అభిమానులతో మాట్లాడుతూ ఈమెనే స్వయంగా ఈ విషయాన్ని చెప్పింది. ఇటీవల మహేశ్ తన అభిమానులతో ఇన్‌స్టా వేదికగా మాట్లాడుతూ.. "సర్కారు వారి పాట' బలమైన సందేశంతో కూడిన ఎంటర్‌టైనర్ అని, ఈ సినిమా విషయంలో చాలా ఆత్రుతతో ఉన్నా"నని చెప్పారు. పరశురామ్ దర్శకత్వం వహిస్తుండగా, మైత్రీ మూవీ మేకర్స్‌, 14 రీల్స్‌ సంయుక్తంగా నిర్మిస్తున్నాయి. తమన్‌ స్వరాలు అందిస్తున్నారు.
ప్రిన్స్ మహేష్ బాబు, కీర్తి సురేష్ కాంబినేషన్ సరికొత్తగా మొదలైంది. కానీ ప్రస్తుతం ఈ భామ పెంగ్విన్ అనే చిత్రం కోసం తన రూపం మార్చేసింది. మరి ఇప్పుడు ప్రిన్స్ సినిమా లో ఏ విధంగా కనిపిస్తుందని అందరూ ఉత్సాహంగా ఎదురుచూస్తున్నారు. వీరిద్దరి మధ్య కాంబినేషన్ ఇదే మొదటిసారి అవ్వడం అభిమానుల్లో ఇంకా ఎక్కువ ఉత్సాహం నెలకొంది. ఆశ్చర్యం ఏమిటంటే కీర్తి సురేష్ నటించిన చిత్రం అమెజాన్ ప్రైమ్ వేదికగా ఈ రోజునే రిలీజ్ అయింది. ఇది ఒక హర్రర్, సస్పెన్స్ చిత్రంగా నిర్మించారు. ఈ సినిమాలో నటి కీర్తి సురేష్ నటన అభిమానులను మెప్పించే విధంగా ఉంటుందని సినీ వర్గాల్లో వినిపిస్తున్న టాక్. ఈ సినిమా హిట్ అయితే వీరిద్దరి కాంబినేషన్ మీద ఇంకా ఎక్కువ ఊహాగానాలు, సర్కారు వారి పాట సినిమా మీద మరింత పాజిటివ్ టాక్ పెరుగుతోంది అని అనడంలో ఎటువంటి సందేహం లేదు.
