వేణు శ్రీరామ్ దర్శక పవన్ కళ్యాణ్ నటిస్తున్న ‘వకీల్ సాబ్’ సినిమా షూటింగ్ దాదాపు పూర్తయిపోయి ఉంది. ఓ నెలరోజుల బ్యాలెన్స్ షూటింగ్ మాత్రమే మిగిలి ఉంది. బాలీవుడ్ ఇండస్ట్రీ లో 'పింక్' సినిమాకి రీమేక్ గా వస్తున్న ఈ సినిమా లో పవన్ కళ్యాణ్ లాయర్ పాత్ర చేస్తున్నారు. దాదాపు రెండు సంవత్సరాల తర్వాత పవన్ కళ్యాణ్ సినిమా ఇండస్ట్రీలో ఈ సినిమాతో రీ ఎంట్రీ ఇస్తున్న తరుణంలో పవన్ కళ్యాణ్ అభిమానులు సినిమాపై అంచనాలు ఓ రేంజిలో పెట్టుకున్నారు.
2018వ సంవత్సరంలో త్రివిక్రమ్ దర్శకత్వంలో ‘అజ్ఞాతవాసి’ సినిమా తర్వాత పవన్ కళ్యాణ్ ఏ సినిమా చేయలేదు. దాదాపు రెండు సంవత్సరాలు రాజకీయరంగంలో ఫుల్ బిజీగా ఉన్నారు. ఆంధ్రప్రదేశ్ రాష్ట్రంలో జరిగిన ఎన్నికలలో మొట్టమొదటిసారి 2019లో పోటీ చేసి ఓడిపోయారు. ఆ తర్వాత ప్రజా సమస్యలపై పోరాడుతూనే మరోపక్క మళ్లీ సినిమారంగంలో పవన్ రీ ఎంట్రీ ఇవ్వడం జరిగింది.
ఇదిలా ఉండగా ఈ సినిమాలో హీరోయిన్ గా అంజలి నటిస్తున్నట్లు ఇటీవల రిలీజ్ అయిన ఓ చిన్నపాటి వీడియో క్లిప్ లో తెలుస్తోంది. గతంలో ‘సీతమ్మ వాకిట్లో సిరిమల్లె చెట్టు’ సినిమాలో వెంకటేష్ పక్కన హీరోయిన్ గా నటించిన అంజలి తెలుగు ప్రేక్షకులను ఎంతగానో అలరించింది. ఈ నేపథ్యంలో ‘వకీల్ సాబ్’ సినిమాలో పవన్ కళ్యాణ్ పక్కన హీరోయిన్ గా చాలా మంది పేర్లు వినబడినా చివరాకరికి అంజలిని సినిమా యూనిట్ కన్ఫామ్ చేసినట్లు టాక్ నడుస్తోంది.
