ఇలియానా.. ఈ పేరుకు ప్రత్యేకంగా పరిచయాలు అవసరం లేదు. రామ్ హీరోగా తెరకెక్కిన `దేవదాసు` సినిమాతో తెలుగు తెరకు పరిచయమైంది ఈ గోవా బ్యూటి. రామ్కు కూడా ఇదే తొలిచిత్రం. ఇద్దరికీ తొలిచిత్రమైన ఈ సినిమా విడుదలయ్యాక సంచలనాత్మక విజయాన్ని సాధించింది. ఈ చిత్రంలో ఇద్దరి నటనకూ ఫిలింఫేర్ ఉత్తమ నూతన నటీనటులు అవార్డులను సాధించారు.
ఆ తర్వాత పూరీ జగన్నాధ్ దర్శకత్వంలో మహేష్ బాబు సరసన పోకిరి సినిమాలో నటించింది. ఈ సినిమాతో ఇలియానా ఓవర్ నైట్ స్టార్ అయిపోయింది. ఆ సినిమా ఇచ్చిన ఊపుతో వరుసగా తెలుగు కుర్ర హీరోల సరసన చేస్తూ.. తన అందచందాలతో తెలుగు ఇండస్ట్రీని కొన్నాళ్ళు ఓ ఊపు ఊపింది ఇలియానా.
అలాగే 2006లో తను కేడి అనే చిత్రంతో తమిళ సినిమాలోకి అడుగుపెట్టింది. రవికృష్ణ, తమన్నా ముఖ్య పాత్రలు పోషించిన ఈ చిత్రం విజయవంతం కాకపొయినా ఇలియానాకు అవకాశాలు తగ్గలేదు. ఇక తెలుగులో నటిస్తూనే.. మరోవైపు హిందీ సినిమాలపై కన్నేసిన ఇలియానా అక్కడ కూడా కొన్ని సినిమాల్లో నటించింది.
ప్రస్తుతం ఈ బ్యూటీకి క్రేజ్ తగ్గినా.. సోషల్ మీడియాలో మాత్రం ఫుల్ ఫాలోంగ్ ఉంది. ఇందులో భాగంగా.. ఎప్పటికప్పుడు ఇలియానా హాట్ హాట్ ఫోటోలను షేర్ చేస్తూ.. అభిమానులకు చెమటలు పట్టిస్తోంది. తాజాగా కూడా ఇలియానా హాట్ ఫోటోలు నెట్టింట్లో వైరల్ అవుతున్నాయి.