అయితే ఇప్పటివరకు రాజేంద్రప్రసాద్ ఎన్నో సినిమాలలో హీరోయిన్లకు తండ్రి పాత్రలు పోషించిన విషయం తెలిసిందే. ఆ పాత్రలో ఒదిగిపోయి నటిస్తూ తన నటనతో తెలుగు ప్రేక్షకులను మెప్పించారు ఆయన. అయితే ఇప్పటివరకు రాజేంద్రప్రసాద్ ఎంతో మంది హీరోయిన్లకు తండ్రి పాత్రలో నటించినప్పటికీ రాజేంద్రప్రసాద్ కి ఎక్కువ గుర్తింపు తెచ్చిన పాత్ర మాత్రం మహానటి సినిమా లోని సావిత్రి తండ్రిగా నటించిన పాత్ర. తెలుగు చిత్ర పరిశ్రమలో తన నటనతో ఎంతగానో పేరు ప్రఖ్యాతులు సంపాదించి... తన సేవా భావంతో తెలుగు ప్రేక్షకుల గుండెల్లో సుస్థిర స్థానం సంపాదించుకున్న నటి సావిత్రి. సావిత్రి జీవిత కథ ఆధారంగా తెరకెక్కిన చిత్రం మహానటి.
ఈ సినిమాలో మహానటి సావిత్రి పాత్రలో కీర్తి సురేష్ నటించగా.. సావిత్రి తండ్రి పాత్రలో రాజేంద్ర ప్రసాద్ నటించారు. సావిత్రికి రాజేంద్రప్రసాద్ పెదనాన్న అయినప్పటికీ తండ్రి లాగే చిన్నప్పటినుంచి ఆలనాపాలనా చూసేవారు. తన కూతురిని పెద్ద నటిని చేయాలన్న సంకల్పంతో రాజేంద్రప్రసాద్ ఎన్నో కష్టాలు పడి.. మద్రాసు వెళ్లి సినిమా ప్రముఖుల చుట్టూ తిరుగుతూ ఉంటారు. ఇక సావిత్రి అంత గొప్ప నటిగా మారడానికి మూలకారణం ఆమె తండ్రి అని చెప్పడంలో అతిశయోక్తి లేదు. సావిత్రి తండ్రిగా రాజేంద్రప్రసాద్ పలికించిన హావభావాలు తెలుగు ప్రేక్షకుల మనుసుని తాకాయి అని చెప్పడంలో అతిశయోక్తి లేదు. ఇలా సావిత్రి తండ్రి పాత్రలో నటించిన రాజేంద్ర ప్రసాద్ తెలుగు ప్రేక్షకులకు మరింత దగ్గరయ్యారు.
Powered by Froala Editor