టాలీవుడ్ లో ఇడియట్ సినిమాతో మాస్ మహరాజుగా పేరు తెచ్చకున్న రవితేజ వరుస విజయాలతో స్టార్ హీరోగా ఎదిగారు. ‘పవర్’ సినిమా తర్వాత రవితేజకు బ్యాడ్ టైమ్ మొదలైంది. వరుసగా వచ్చిన కిక్ 2, బెంగాల్ టైగర్ డిజారస్టర్ కావడంతో దాదాపు రెండు సంవత్సరాలు గ్యాప్ తీసుకున్నాడు. రాజా ది గ్రేట్ సినిమాతో రీ ఎంట్రీ ఇచ్చాడు..మొదట్లో ఈ సినిమాపై నెగిటీవ్ టాక్ వచ్చింది..మొదటి సారిగా రవితేజ ఫుల్ లెన్త్ అంధుడిగా నటించాడు. కానీ థియేటర్లో రిలీజ్ అయిన మొదటి రోజునే పాజిటీవ్ టాక్ రావడంతో సినిమా బ్లాక్ బస్టర్ విజయం అందుకున్నాడు. అందరి అంచనాలు తారుమారు చేస్తూ..అంధుడిగా అద్భుతమైన నటన ప్రదర్శించాడు రవితేజ. ఈ సినిమాలో రవితేజ తనయుడు కూడా నటించాడు.
ఈ సినిమా తర్వాత ‘టచ్ చేసి చూడు’ సినిమా వచ్చినా పెద్దగా విజయం సాధించలేదు. ప్రస్తుతం మరో హిట్ కోసం ఎదురు చూస్తున్న రవితేజ..ప్రస్తుతం కళ్యాణ్కృష్ణ కురసాల దర్శకత్వంలో నేల టిక్కెట్టు అనే సినిమా చేస్తున్నాడు. ఎస్.ఆర్.టి ఎంటర్టైన్మెంట్స్ పతాకంపై రామ్ తాళ్లూరి నిర్మిస్తున్న ఈ చిత్రం మే 24న ప్రేక్షకుల ముందుకు రానుంది. ఇప్పటి వరకు ఈ సినిమాకు సంబంధించిన ఫస్ట్ లుక్ కి మంచి క్రేజ్ వచ్చింది. తాజాగా ఈ సినిమాకు సంబంధించిన టీజర్ రిలీజ్ అయ్యింది. గ్రామీణ నేపథ్యంలో ఈ చిత్రం ఉంటుందని తెలుస్తుండగా రవితేజ శైలి హంగులతో ఆద్యంతం వినోదభరితంగా సాగుతుంది.
అనుబంధాలు, ఆప్యాయతలకు విలువనిచ్చే ఓ యువకుడు తనవారి క్షేమం కోసం ఏం చేశాడన్నదే ఈ చిత్ర ఇతివృత్తం. కథలో ఎన్నో ట్విస్ట్ లు..సెంటిమెంట్, యాక్షన్ చాలా అద్భుతంగా ఆకట్టుకుంటుందట. నేల టిక్కెట్ గాడితో పెట్టుకుంటే..నేల నాకిచ్చేస్తా అంటూ రవితేజ కొట్టే డైలాగ్స్ చాలా బాగున్నాయి. మాళవిక శర్మ కథానాయికగా నటిస్తున్న ఈ చిత్రంలో జగపతిబాబు, బ్రహ్మానందం, జయప్రకాష్, రఘుబాబు, సుబ్బరాజు, అలీ, పోసాని కృష్ణమురళి, ప్రియదర్శి ప్రధాన పాత్రలు పోషించారు శక్తికాంత్ చిత్రానికి సంగీతం అందించారు. తాజాగా విడుదలైన టీజర్ కి సోషల్ మీడియాలో మంచి రెస్పాన్స్ వస్తుంది.