ఎమ్మెల్యే జాకెట్ జానకీ రాం (జయప్రకాశ్ రెడ్డి) అనుచరులుగా ఉంటున్న వీరబాబు (అల్లరి నరేష్), సూరి బాబు (సునీల్) ఎమ్మెల్యే కోసం ఎలాంటి మోసానికైనా చేసేందుకు సిద్ధపడతారు. ఇలాంటి టైంలో ఓ ఈవెంట్ లో భాగంగా సూరిబాబు జాకెట్ పరువు కాపాడేందుకు పుష్ప (నందిని రాయ్)ను పెళ్లాడాల్సి వస్తుంది. అప్పటికే సూరిబాబు కృష్న వేణి (పూర్ణ) తో పెళ్లి కుదురుతుంది. అప్పుడు పుష్కని వదిలించుకునేందుకు జాకెట్ జానకి రాం ను ఆశ్రయిస్తాడు. ఇక మరోపక్క వీరబాబు ప్రేమించిన వాసంతి (చిత్ర శుక్లా) ఉద్యోగం కోసం జాకెట్ కు డబ్బు ఇస్తాడు.
ఇలాంటి టైంలో మినిస్టర్ చనిపోతూ జానకి రాం కు 500 కోట్లకు సంబందించిన రహస్యాన్ని చెబుతాడు. అది కనిపెట్టేందుకు భూతం (పోసాని) ఎమ్మెల్యే వెంట పడతాడు. ఈ టైంలో జానకీ రాం కు యాక్సిడెంట్ అయ్యి గతం మర్చిపోతాడు. 500 కోట్ల రహస్యం కోసం పోసాని..? తమ సమస్యల పరిష్కారం కోసం వీరబాబు, సూరి బాబులు ఎమ్మెల్యే మాములు మనిషి కావాలని కోరుకుంటారు. మరి జాకెట్ వీరి సమస్యలను ఎలా తీర్చాడు అన్నది సినిమా కథ.
అల్లరి నరేష్ ఎప్పటిలానే కామెడీ రోల్ తో ఆకట్టుకున్నాడు. సునీల్ చాలా రోజుల తర్వాత కామెడీ రోల్ తో ఆకట్టుకున్నాడు. చిత్ర శుక్ల తన పాత్రతో ఆకట్టుకోగా.. నందిని రాయ్ పెద్దగా ఇంప్రెస్ చేయలేదు. పూర్ణ గెస్ట్ రోల్ లో అలరించింది. జయ ప్రకాశ్ రెడ్డి, పోసాని కామెడీతో నవ్వించారు.
అనీష్ తరుణ్ కుమార్ సినిమాటోగ్రఫీ బాగుంది. శ్రీ వసంత్ మ్యూజిక్ పర్వాలేదు. కథ, కథనాల్లో దర్శకుడు భీమనేని శ్రీనివాస్ రొటీన్ పంథా కొనసాగించారు. తమిళ రీమేక్ సినిమా అయినా తెలుగులో ఇలాంటి సినిమాలు చాలా వచ్చాయనిపిస్తుంది. ప్రొడక్షన్ వాల్యూస్ బాగానే ఉన్నాయి.
