తెలుగు ఇండస్ట్రీలో ఏం మాయ చేసావే చిత్రంతో హీరోయిన్ గా పరిచయం అయిన సమంత ఇప్పుడు అక్కినేని వారి కోడలు అయ్యింది. నాగ చైతన్యను పెళ్లి చేసుకున్న తర్వాత సమంతకు గోల్డెన్ డేస్ నడుస్తున్నాయంటే ఆశ్చర్యపోనవసరం లేదు. మహానటి, రంగస్థలం, అభిమన్యుడు, యూటర్న్ ఇలా వరుసగా హిట్ చిత్రాల్లో నటింస్తున్న సమంత రీసెంట్ గా శివ నిర్వాన దర్శకత్వంలో చైతూ, సమంత జంటగా నటించిన ‘మజిలీ’సూపర్ హిట్ అయ్యింది.
ఎప్పుడూ చలాకీగా ఉండే సమంత తాజాగా తన స్నేహితురాలి వివాహ వేడుకలో తెగ అల్లరి చేసింది. క్రైస్తవ సంప్రదాయంలో జరిగిన ఈ వివాహ వేడుక చిత్రాలను అభిమానుల కోసం ఇన్ స్టాగ్రామ్ లో షేర్ చేసింది. తన జీవితంలో ఎంతో ముఖ్యమైన స్నేహితులు వీరేనని ఓ గ్రూప్ ఫోటోను కూడా ఉంచింది. పెళ్లి కుమార్తె తెలుపు వర్ణం దుస్తుల్లో మెరిశారు.
సామ్‌తోపాటు ఆమె స్నేహితులు నీలి రంగు వస్త్రాల్లో కనిపించారు. కాగా, ప్రస్తుతం 'మజిలీ' చిత్రం విజయాన్ని ఆస్వాదిస్తున్న ఆమె, తదుపరి '96' రీమేక్ లో నటిస్తోంది. ఇటీవల ఈ చిత్రం షూటింగ్ ప్రారంభమైంది. దిల్‌రాజు తెలుగు రీమేక్‌కు నిర్మాతగా వ్యవహరిస్తున్నారు.
