ఈ మద్య మహిళలపై ఎలాంటి అవాకులు..చివాకులు పేలినా..లైంగిక దాడులకు పాల్పపడినా కఠినమైన చర్యలు తీసుకుంటున్న విషయం తెలిసిందే. అలాంటిది ప్రపంచ వ్యాప్తంగా గుర్తించబడిన సెలబ్రెటీపై అనుచిత వ్యాఖ్యలు చేస్తే..ఆ పని చేసిన వారి పరిస్థితి ఏంటో ఊహించుకొండి.
తాజాగా ఇప్పుడు బాలీవుడ్ నటుడి పరిస్థితి అలాగే తయారైంది. బాలీవుడ్ నటి ఐశ్వర్య రాయ్‌పై వివేక్ ఒబెరాయ్‌ సోషల్ మీడియాలో ఐష్‌ను ఎగ్జిట్‌ పోల్స్‌తో పోలుస్తూ సోమవారం వివేక్ ట్వీట్‌ చేసిన ఫొటోపై తీవ్ర దుమారం రేగింది. ఒక వివాహితపై ఇలాంటి దారుణమైన పోస్ట్ ఎలా చేస్తారని పలువురు నటీమణులు, నటులు, నెటిజన్లు ఆగ్రహం వ్యక్తం చేశారు.
మహారాష్ట్రకు చెందిన మహిళా కమిషన్‌ వివేక్‌పై కేసు నమోదు చేసింది. ఈ నేపథ్యంలో వివేక్ తాజాగా తన అనుచిత ట్వీట్‌పై స్పందించారు. తాజాగా నెటిజన్ల నుంచి..సినీ సెలబ్రెటీల నుంచి వస్తున్న వత్తిడిపై వివేక్ స్పందించారు. ఒక్కోసారి కొన్ని విషయాలు చూడగానే మనకు ఫన్నీగా అనిపిస్తాయి. కానీ కొందరికి అలా అనిపించకపోవచ్చు.
గత పదేళ్లలో నేను దాదాపు రెండు వేల మందికి పైగా పేద ఆడపిల్లలను చూసుకునే బాధ్యత తీసుకున్నాను. అలాంటిది నేను ఓ మహిళ పట్ల ఇంత నీచానికి దిగజారడాన్ని ఊహించలేను కూడా. ఎవరో క్రియేట్‌ చేసిన ఓ ఫొటోపై నేను సరదాగా రిప్లై ఇవ్వడం వల్ల ఓ మహిళ బాధపడుంటే నన్ను క్షమించాల్సిందిగా కోరుతున్నాను. ఆ ట్వీట్‌ను తొలగించేశాను’ అని పోస్ట్ చేశాడు. మొత్తానికి తన సహనటి పై పోస్ట్ చేసి అడ్డంగా బుక్ సారీ చెప్పాల్సిన పరిస్థితి ఎదురైంది ఆ నటుడికి.
