బాలీవుడ్ కండల వీరుడు సల్మాన్ ఖాన్ కి రంజాన్ పండుగ కలిసొచ్చే పండుగ. ఈ సందర్భంగా ప్రతి ఏడాది వచ్చే రంజాన్ పండక్కి తన సినిమా ఏదో ఒకటి రిలీజ్ చేస్తుంటాడు. అంతేకాకుండా ప్రతి ఏడాది ఈద్ సందర్భంగా సల్మాన్ ఖాన్ విడుదల చేసే చాలా సినిమాలు బాలీవుడ్ బాక్స్ ఆఫీస్ దగ్గర బ్లాక్ బాస్టర్ హిట్లు కొట్టిన సందర్భాలు చాలానే ఉన్నాయి.
ఇటువంటి క్రమంలో తాజాగా వచ్చిన రంజాన్ నాడు సల్మాన్ ఖాన్ నటించిన ‘భరత్’ విడుదలయ్యి సల్మాన్ ఖాన్ కెరియర్లోనే బాక్సాఫీస్ న్నే దున్నేసేటట్లు కలెక్షన్లు రాబడుతోంది. మొదటి రోజు వచ్చిన కలెక్షన్ చూస్తే సల్మాన్ ఖాన్ కెరీర్లోనే బిగ్గెస్ట్ ఓపెనింగ్స్ వచ్చిన సినిమాగా భరత్ హిస్టరీ క్రియేట్ చేసింది. 'భారత్'పై రిలీజ్ ముందు నుంచే భారీ అంచనాలు ఉన్నాయి.
అందుకు తగిన విధంగానే ఇండియా వ్యాప్తంగా 4700 స్క్రీన్లలో విడుదల చేశారు. ట్రేడ్ వర్గాల నుంచి అందుతున్న సమాచారం ప్రకారం తొలి రోజు ఈ చిత్రం రూ. 42.3 కోట్లు వసూలు చేసింది. మొత్తం మీద చూసుకుంటే సల్మాన్ ఖాన్ మరొకసారి రంజాన్ నాడు తన పవరేంటో బాక్సాఫీస్ దగ్గర తన స్టామినా ఏమిటో ప్రూవ్ చేసుకున్నాడు. గతంలో సల్మాన్ ఖాన్-అలీ అబ్బాస్ జాఫర్ కాంబినేషన్లో టైగర్ జిందాహై(రూ.34.10 కోట్లు), సుల్తాన్ (రూ. 36.54 కోట్లు) చిత్రాలు వచ్చాయి. అయితే బుధవారం రిలీజైనప్పటికీ భారత్ రూ. 42.3 కోట్లు వసూలు చేసి సల్మాన్ కెరీర్లోనే హిస్టరీ క్రియేట్ చేసింది .
