బాలీవుడ్ లో దంగల్ సినిమా భారీ వసూళ్లు సాదించినది. ఇప్పటి వరకు
ఇండియాలో టాప్ వసూళ్లు చేసిన సినిమాగా నిలిచింది. తాను సాధించాలనుకున్న
లక్ష్యాన్ని సాధించలేక తన కూతుర్లతో ఎలా ఆ లక్ష్యాన్ని సాధించాడు అన్నది
సినిమా కథ. ఈ కథకు ప్రేక్షకులు ఫిదా అయ్యారు. ఒక సామాన్య కుటుంబంలోని
తండ్రి ఆవేదనను, ఆశయాలను కూతర్లు ఎలా నెరవేర్చారు అన్నది కాన్సెప్ట్.
దీనిని
తెరపై ఆవిష్కరించారు నితీష్ తివారి. ఈ సినిమా ఇండియాలోనే కాకుండా ప్రపంచ
వ్యాప్తంగా మంచి వసూళ్లు సాధించింది. చైనాలో ఏకంగా ఈ మూవీ 1983 కోట్లు
వసూలు చేసింది. చైనాలో అత్యధిక వసూళ్లు సాధించిన సినిమాగా దంగల్
నిలిచింది. ఈ సినిమా తరువాత సీక్రెట్ సూపర్ స్టార్ వసూళ్ల పరంగా మరో
రికార్డ్ సాధించింది.
సౌత్ నుంచి బాహుబలి
చైనాలో రిలీజ్ అయినప్పటికీ పెద్దగా ఆకట్టుకోలేదు. అయితే, ప్రభాస్, రానాలను
ఇంట్రడ్యూస్ చేసుకోవడానికి ఆ సినిమా ఉపయోగపడింది. ఇప్పుడు శంకర్ 2పాయింట్
0 సినిమాను జులై 12 వ తేదీన చైనారో 5600 స్క్రీన్స్ లో రిలీజ్
చేస్తున్నారు. గ్రాఫిక్స్ మాయాజాలంతో, 3డిలో తెరకెక్కిన ఈ సినిమా అక్కడ
ఎలాంటి వసూళ్లు సాధిస్తుందో చూడాలి.
అందుతున్న
సమాచారం ప్రకారం 2పాయింట్ 0 కు చైనా పాజిటివ్ టాక్ వైబ్ క్రియేట్
అయ్యింది. ఇప్పటి నుంచే లైకా సంస్థ అక్కడ సినిమాను ప్రమోట్ చేస్తున్నది.
రిలీజ్ కు మరో నెల రోజుల వ్యవధి ఉండటంతో ఎలాగైనా దంగల్ టార్గెట్ ను రీచ్
కావాలని చూస్తోంది ఈ చిట్టి. మరి చిట్టి కలలు సాకారం అవుతాయా చూద్దాం.