త్రివిక్రమ్ తీసిన సినిమాలలో చాలా సన్నివేశాలు హాలీవుడ్ సినిమాలలో కాపీ కొట్టిన సీన్స్ అంటూ త్రివిక్రమ్ కాపీ క్యాట్ అంటూ అప్పట్లో విమర్శలు చేశారు. అయితే తాజాగా రాజమౌళి త్రివిక్రమ్ శ్రీనివాస్ కాఫీ కొడుతున్నారంటూ ఇండస్ట్రీలో కామెంట్లు వినబడుతున్నాయి. అయితే సినిమాల విషయంలో కాదండోయ్. దిగ్గజ దర్శకుడు రాజమౌళి సినిమాలు చేసే విషయంలో స్టైలే వేరు.
ఏదైనా సినిమా చేస్తున్నారంటే దానికి ముందు ఆ సినిమాలో నటి నటులతో వర్క్ షాప్ నిర్వహించి తీయబోయే సన్నివేశాల గురించి క్లుప్తంగా నటీనటులు అర్థమయ్యే రీతిలో తెలియజేస్తూ ప్రిపేర్ గా అందరిని అలర్ట్ చేస్తారు. ఇప్పుడు ఇదే పద్ధతిని త్రివిక్రమ్ శ్రీనివాస్ కొనసాగిస్తున్నట్లు ఫిలింనగర్ టాక్. ప్రస్తుతం త్రివిక్రమ్ అల్లు అర్జున్ తో సినిమా చేస్తున్నా విషయం మనకందరికీ తెలిసినదే. ఈ నేపథ్యంలో ఈ సినిమాకి సంబంధించిన తీయబోయే మూడు, నాలుగు రోజుల షాట్ లు అన్నీ ఒకేసారి రెడీ చేసుకొని.. ఒకరోజు వర్క్ షాప్ ఏర్పాటు చేసి రిహార్సల్స్ చేయిస్తున్నారట.
రిహార్సల్స్ అయిన మరుసటి రోజు నుండి మూడు, నాలుగు రోజుల్లో షూటింగ్ పూర్తి చేస్తారు. మళ్లీ రిహార్సల్స్ చేయించి.. షూటింగ్ కి వెళ్లడం ఇదే ప్రాసెస్ కంటిన్యూ అవుతుందన్నమాట. అల్లు అర్జున్ కూడా ఈ రిహార్సల్స్ కి హాజరవుతున్నాడు.కాబట్టి మిగిలిన ఆర్టిస్ట్ ల గురించి చెప్పనక్కర్లేదు. ఈ విధంగా చేయడం ద్వారా మంచి అవుట్ పుట్ రావడంతో పాటు సమయం కూడా కలిసొస్తుందని నమ్ముతున్నారు. ఈ సినిమాతో ఎలాగైనా హ్యాట్రిక్ కొట్టాలని చూస్తున్నారు అల్లు అర్జున్ త్రివిక్రమ్.
