ఎన‌ర్జిటిక్ స్టార్ రామ్ పోతినేని, నిధి అగ‌ర్వాల్‌, న‌భా న‌టేశ్ హీరో హీరోయిన్లుగా రూపొందుతున్న చిత్రం ‘ఇస్మార్ట్ శంకర్‌’. డాషింగ్ డైరెక్టర్ పూరి జ‌గ‌న్నాథ్ ద‌ర్శకత్వం వహిస్తున్నారు. పూరి జ‌గ‌న్నాథ్ టూరింగ్ టాకీస్‌, పూరి కనెక్ట్స్ ప‌తాకాల‌పై పూరి జ‌గ‌న్నాథ్‌, ఛార్మి ఈ చిత్రాన్ని నిర్మిస్తున్నారు. మణిశర్మ సంగీతం సమకూరుస్తున్నారు, టాకీ పార్ట్ చిత్రీక‌ర‌ణ పూర్తయ్యింది. ప్రస్తుతం పాటల చిత్రీకరణ జరుగుతోంది. అన్ని కార్యక్రమాలు పూర్తిచేసి జూలై 12న ప్రేక్షకుల ముందుకు తీసుకురావడానికి సిద్ధం చేస్తున్నారు. 


ఇప్పటికే విడుదలైన టీజర్‌కు మంచి స్పందన వచ్చింది. అలాగే, రెండు పాటలు కూడా వచ్చాయి. ఒకటి తెలంగాణ యాసలో ఉన్న ‘దిమాక్ ఖరాబ్’ కాగా.. మరొకటి ‘జిందాబాద్ జిందాబాద్’ అంటూ డ్యూయెట్. ఈ రెండు పాటలకు మంచి స్పందన వచ్చింది. మణిశర్మ ఈజ్ బ్యాక్ అన్నారు. ఇప్పుడు ఈ సినిమాలోని మూడో పాటను ప్రేక్షకుల ముందుకు తీసుకొచ్చారు. ఇది టైటిల్ సాంగ్. 

పూర్తిగా హైదరాబాద్ యాసలో ఉర్దూ తెలుగు మిక్స్ చేసి కొట్టారు. భాస్కరభట్ల సాహిత్యం అందించిన ఈ పాటను అనురాగ్ కులకర్ణి ఆలపించారు. పాటలో మంచి ఊపుంది. జానీ మాస్టర్ ఈ పాటకు కొరియోగ్రఫీ అందించారు. ఇక తెరపై రామ్ స్టెప్పులు ఎలా ఉంటాయో చూడాలి. 
కాగా, ఈ పాట యూట్యూబ్ లింక్‌ను హీరో రామ్ ట్విట్టర్ ద్వారా తన అభిమానులకు అందించారు. ‘ఇగో.. చెప్తున్నా.. ఈ పాట మాత్రం ఫుల్ వాల్యూమ్‌ల వినాలా! ఏంది?.. ఆ?..’ అని రాశారు. 



మరింత సమాచారం తెలుసుకోండి: