సమంత ఇటీవల నటించిన ఓ బేబీ సినిమా విడుదల ఈ సూపర్ డూపర్ హిట్ టాక్ సొంతం చేసుకుంది. కుటుంబ సమేతంగా చూడదగ్గ సినిమా గురించి చాలామంది సమంత నటన పై ప్రశంసల వర్షం కురిపిస్తున్నారు. విడుదలైన మొదటి షో నుండే బ్లాక్ బస్టర్ లాంటి హిట్ టాక్ సొంతం చేసుకోవడంతో విమర్శకులు సైతం ఈ సినిమాను ప్రశంసిస్తున్నారు.
దీంతో వరుసగా రెండు సినిమాలు నాగచైతన్యతో కలిసి నటించిన మజిలీ ఓ బేబీ సినిమా రెండు హిట్లు పడటంతో సమంత మంచి జోష్ మీద ఉంది. మరోపక్క సోషల్ మీడియా వేదికగా సమంతకి శుభాకాంక్షలు వెల్లువెత్తుతున్నాయి. సినిమా చూసిన ప్రతీ ఒక్కరూ ఆమెని పొగుడుతూ కామెంట్స్ చేస్తున్నారు. దాదాపు అందరి ట్వీట్ లకు రిప్లయ్ ఇస్తోంది ఈ బ్యూటీ.
సినీ నటి, నిర్మాత ఛార్మి కూడా సమంతని ప్రశంసిస్తూ ట్వీట్ చేసింది.''ఏ టైం కి పుట్టావ్ అమ్మ నువ్వు..? నీ హార్డ్ వర్క్, నీ డెసిషన్స్ అండ్ నీ జాతకంకి నమస్కారం'' అంటూ ట్వీట్ చేసింది. ఇది చూసిన సమంత ధన్యవాదాలు తెలిపింది. ఛార్మి ట్వీట్ చూసిన సమంత అభిమానులు దిష్టి తీయించుకో సామ్ అంటూ కామెంట్స్ పెడుతున్నారు.
