మెగాస్టార్ చిరంజీవి నటిస్తున్న పీరియాడికల్ మూవీ 'సైరా నర్సింహారెడ్డి' ని ఎలాగైనా ఆక్టోబర్ 2 న థియేటర్లలోకి తీసుకురావడానికి సన్నాహాలు చేస్తున్నారు చిత్ర యూనిట్. విడుదలకు సమయం దగ్గర పడుతుండడంతో ఈ చిత్రం యొక్క ప్రమోషన్స్ ను కూడా సార్ట్ చేస్తున్నారు. ఈ రోజు మధ్యాహ్నం 3: 45గంటలకు ఈసినిమాకు సంబందించిన మేకింగ్ వీడీయో ను విడుదలచేయనున్నారు. ఇక ఈ సినిమా విడుదలను భారీగా ప్లాన్ చేశారు. అందులో భాగంగా సైరా, హిందీ వెర్షన్ హక్కులను ప్రముఖ డిస్ట్రిబ్యూటర్ అనిల్ తడానీ , ఫర్హాన్ అక్తర్ లు సొంతంగా విడుదల చేస్తున్నారు. వీరిద్దరూ ఇంతకుముందు కన్నడ స్టార్ హీరో యష్ నటించిన 'కె జి ఎఫ్' హిందీ వెర్షన్ ను అక్కడ విడుదల చేయగా ఆ సినిమా బ్లాక్ బాస్టర్ హిట్ అయ్యింది. దాంతో ఇప్పుడు సైరా ను కూడా హిందీ లో భారీ స్థాయిలో విడుదలచేయనున్నారు. ఇక ఈచిత్రం తెలుగు, హిందీ తోపాటు కన్నడ , మలయాళ , తమిళ భాషల్లో కూడా విడుదలకానుంది.
ఇక సైరా టీజర్ ను చిరంజీవి పుట్టిన రోజు సందర్భంగా ఆగస్టు 22న విడుదల చేయడం ఖాయంగా కనిపిస్తుంది. స్వాతంత్య్ర సమరయోధుడు ఉయ్యాలవాడ నర్సింహారెడ్డి జీవిత చరిత్ర ఆధారంగా సురేందర్ రెడ్డి తెరకెక్కిస్తున్న ఈ చిత్రంలో లేడీ సూపర్ స్టార్ నయనతార కథానాయికగా నటిస్తుండగా బిగ్ బి అమితాబ్ బచ్చన్, చిరు కు గురువుగా నటిస్తున్నారు. వీరితోపాటు మక్కల్ సెల్వన్ విజయ్ సేతుపతి , కిచ్చా సుధీప్, మిల్కీ బ్యూటీ తమన్నా ముఖ్య పాత్రల్లో కనిపించనున్నారు. బాలీవుడ్ సంగీత దర్శకుడు అమిత్ త్రివేది స్వరాలు సమకూరుస్తుండగా భారీ బడ్జెట్ తో కొణిదెల ప్రొడక్షన్స్ పతాకం ఫై హీరో రామ్ చరణ్ ఈ చిత్రాన్ని నిర్మిస్తున్నాడు.
