శాతకర్ణిగా బాలయ్య నటన అద్భుతం. తను మాత్రమే చేయగల పాత్ర అని చెప్పేయొచ్చు. శాతకర్ణి పాత్రలో బాలకృష్ణ తన నట విశ్వరూపాన్ని చూపించాడు. సినిమా మొత్తం వన్ మ్యాన్ షో చేశాడు. చరిత్ర కథే అయినా సరే బాలయ్య చేత పలికించిన డైలాగులు మాత్రం చాలా గొప్పగా ఉన్నాయి. ఇక వశిష్ట దేవిగా శ్రీయా తన మార్క్ నటనతో ఆకట్టుకుంది. కొన్ని ఎమోషనల్ సీన్స్ లో సీనియర్ నటిగా శ్రీయనే ఈ పాత్రకు ఎందుకు తీసుకున్నారో తెలుస్తుంది. గౌతమిగా చేసిన హేమమాలిని క్యారక్టర్ కూడా సినిమాకు హైలెట్ అని చెప్పొచ్చు. పాత్ర నిడివి తక్కువే అయినా ఆమె పలికించిన అభినయం అద్భుతం. శివ రాజ్ కుమార్ గెస్ట్ రోల్ లో అలరించారు.  

శాతకర్ణి సినిమాకు హండ్రెడ్ పర్సెంట్ క్రిష్ కష్టం కనిపిస్తుంది. చరిత్ర సినిమాగా చెప్పే సాహసం చేసినప్పుడు దానికి ఎన్నో పరిమితులు ఉంటాయి. కథ కథనాల విషయంలో దర్శకుడు క్రిష్ కు హ్యాట్సాఫ్ చెప్పాల్సిందే. పిరియాడికల్ మూవీస్ అంటే అంతే కాని అక్కడక్కడ ఇంకాస్త జాగ్రత్తలు తీసుకుంటే బాగుండేది. శాతకర్ణి మ్యూజిక్ అందించిన చిరంతన్ భట్ తన బెస్ట్ మ్యూజిక్ అందించాడు. బహుపరాక్ సాంగ్ సినిమాకు బాగా హెల్ప్ అయ్యింది. జ్ఞానశేఖర్ కెమెరా వర్క్ బాగుంది. శాతకర్ణి సినిమాలో ముఖ్యంగా చెప్పుకోవాల్సింది డైలాగ్స్ గురించి. సాయి మాధవ్ బుర్రా కథకు తగ్గ మాటలను అద్భుతంగా రాశారు. రాజీవ్ రెడ్డి, సాయి బాబుల ప్రొడక్షన్ వాల్యూస్ కూడా సినిమాకు ఎక్కడ కాంప్రమైజ్ అయినట్టు కనిపించలేదు.   

ఇక శాతకర్ణి ఎండ్ కార్డ్ లో ముని ముని ముని ముత్తాతల కథ అని తెలుగు జాతి కథ అయిన శాతకర్ణి కథ.. మన కథ.. ప్రతి తెలుగువాడి కథ అని చెప్పే క్రిష్ వాయిస్ ఓవర్ తన ఇంటెన్సిటీ ఏంటో తెలియచేస్తుంది. మొత్తానికి ఓ శాతకర్ణి ఓ గొప్ప ప్రయత్నం అని ప్రత్యేకంగా చెప్పాల్సిందే. కమర్షియల్ గా ఎంత సక్సెస్ అవుతుంది అన్నది చెప్పలేం. ప్రస్తుతం తెలుగు ప్రేక్షకుల ఆలోచన థోరణి మారుతుంది.. కథను కథనాన్ని చరిత్రను తెలుసుకునేందుకు ఉరకలు వేస్తున్నారు. మరి ఈ ప్రయత్నంలో మన ముందుకు వచ్చిన గౌతమిపుత్ర శాతకర్ణి సినిమాను ఎలా రిసీవ్ చేసుకుంటారో చూడాలి.