అమ్మనాన్నలతో పాటు ప్రాణం కంటే ఎక్కువగా ప్రేమించే అక్కకి తోడుగా ఉండే కుర్రాడు శ్రీవిష్ణు. అక్కకి పెళ్లి జరుగుతుందని షాపింగ్ చేసే క్రమంలో గుడి దగ్గర ఉగ్రవాదుల బాంబ్ పేలుల్లలో కుటుంబాన్ని కోల్పోతాడు. అప్పటిదాకా అందరు ఉన్న హీరో ఆ నిమిషం అనాధ అవుతాడు. అసలు దీనికి కారణం ఎవరు అని తెలుసుకునే క్రమంలో ఆ ఉగ్రవాదులు దిగిన లాడ్జ్ దగ్గరకు వెళ్తాడు. అక్కడ దొరికిన క్లూతో ఒక్కొక్కరిని పట్టుకుని ఫైనల్ గా వారిని మట్టుపెడతాడు.
అప్పట్లో ఒకడుండేవాడు సినిమాతో లీడ్ రోల్ చేసిన శ్రీవిష్ణు మా అబ్బాయితో హీరోగా సోలో ఎంట్రీ ఇచ్చాడు. సినిమా మొత్తం తన మీదే నడుస్తుంది. హీరో క్యారక్టరైజేషన్ డైరక్టర్ చెప్పినట్టుగా చేశాడు. హీరోయిన్ చిత్ర శుక్ల పర్వాలేదు. నటనతో పాటు గ్లామర్ తో కూడా ఆకట్టుకునే ప్రయత్నం చేసింది. మిగతా వారంతా పాత్రల పరిధి మేరకు నటించారు.
సినిమా దర్శకుడు కుమార్ వట్టి రొటీన్ కథతోనే వచ్చినట్టు అనిపిస్తుంది. మా అబ్బాయి అని టైటిల్ పెట్టి ఓ రివెంజ్ డ్రామా తీశాడు. అంతేకాదు ఉగ్రవాదుల నెట్వర్క్ ఓ సాధారణ సాఫ్ట్ వేర్ ఎంప్లాయ్ కనిపెట్టడం అనేది మంచి థాట్ అయినా దాన్ని అంతగా ప్రభావితం చేయలేకపోయాడు. థమ శ్యామ్ సినిమాటోగ్రఫీ బాగుంది. స్క్రీన్ పై శ్రీవిష్ణు అందంగా కనిపించాడు. ఇక ఎడిటింగ్ ఇంకాస్త జాగ్రత్త పడాల్సింది. నిర్మాణ విలువలు బాగున్నాయి.