డాక్టర్ వృత్తిలో ఉన్న భార్గవ్ దాన్ని వ్యాపారంగా చేస్తున్న వారి పట్ల కక్ష్య కడతాడు. అందుకు కారణమైన వారిని వరుసగా చంపుతూ వస్తుంటాడు. ఓ పక్క మ్యుజిషియన్ గా మరో పక్క డాక్టర్ గా విజయ్ భార్గవ్ తన పని తాను చేసుకుంటుండగా డాక్టర్ డానియోల్ (ఎస్.జే.సూర్య) కు సన్నిహితుడని అర్జున్ ని చంపేస్తాడు. అక్కడి నుండి అతని చావుకి కారణమైన విజయ్ భార్గవ్ మీద దృష్టి పెడతాడు డానియల్. అసలు విజయ్ భార్గవ్ ఒకరేనా..? ఎందుకు డాక్టర్ అర్జున్ ను చంపుతారు..? అసలు విజయ్ భారగ్ మనోగతం ఏంటి..? అన్నది అసలు కథ.
ఒకటి రెండు కాదు ఏకంగా మూడు పాత్రల్లో విజయ్ తన అద్భుతమైన నటనను కనబరిచాడు. తనకున్న మాస్ ఫాలోయింగ్ కు సరిగ్గా అలాంటి సినిమా తెచ్చాడు. ఇక తన సినిమాలో ఉండాల్సిన మెసేజ్ మాత్రం మిస్ అవ్వలేదు. ఇక హీరోయిన్స్ గా కాజల్, సమంత, నిత్యా మీనన్ నటించగా అందులో ముగ్గురికి అంత ప్రాధాన్యత ఉన్న పాత్ర లేదని చెప్పాలి. నిత్యా మీనన్ మాత్రం ఫ్లాష్ బ్యాక్ ఎపిసోడ్ లో కొతమేరకు బెటర్ అని చెప్పొచ్చు. ఇక వడివేలు పాత్ర కూడా ఆకట్టుకుంది. విలన్ ఎస్.జె.సూర్య నటన సినిమాకు చాలా ప్లస్ అయ్యింది. సత్యరాజ్ కూడా తన పాత్రకు తగినట్టుగా చేశాడు.
సినిమా దర్శకుడు అట్లీ విజయ్ కు ఉన్న ఫాలోయింగ్ దృష్టిలో ఉంచుకుని అన్ని అంశాలతో ఈ కథ రాసుకున్నాడని చెప్పొచ్చు. దర్శకుడు సినిమాను కమర్షియల్ గా తెరకెక్కించడంలో సక్సెస్ అయ్యాడు. కథ కథనాలు పాతవే అయినా టేకింగ్ పరంగా అబ్బురపరచాడు. ఇక రెహమాన్ మ్యూజిక్ కూడా ఆకట్టుకుంది. బ్యాక్ గ్రౌండ్ స్కోర్ సినిమాకు హెల్ప్ అయ్యింది. ఇక సినిమాటోగ్రఫీ కూడా సినిమాకు పెద్ద అసెట్. ఎడిటింగ్ ఓకే.. ప్రొడక్షన్ వాల్యూస్ బాగున్నాయి.
