బైక్ మెకానిక్ లో ప్రొఫెషన్ అయిన రాజ్ (రాజ్ తరుణ్) తల్లిదండ్రులను కోల్పోయిన నాటి నుండి అన్న రాజీవ్ కనకాల అతన్ని ఎంతో ప్రేమగా పెంచుతాడు. చిన్న ఇంజురీ వల్ల చరిత్ర (సిద్ధి కుమార్)ను మీట్ అవుతాడు రాజ్. ఆమెని చూసిన మొదటి క్షణమే ప్రేమలో పడతాడు రాజ్. అయితే అనుకోకుండా ఆమెకు ఓ సమస్య వచ్చి పడుతుంది. ఆమెను విలన్లు కిడ్నాప్ చేస్తారు. ఆమెను కాపాడేందుకు రాజ్ ప్రయత్నిస్తాడు. అసలు చరిత గతం ఏంటి..? ఆమెను ఎందుకు విలన్లు కిడ్నాప్ చేస్తారు..? రాజ్ ఎలా తన ప్రేయసిని ఆపద నుండి కాపాడాడు అన్నదే సినిమా కథ.
రాజ్ తరుణ్ ఎప్పటిలానే ఎనర్జిటిక్ పర్ఫార్మెన్స్ చేశాడు. అయితే తన పాత్రలో ఎలాంటి డిఫరెన్స్ కనిపించదు. ఇదవరకు సినిమాల పాత్రల కొనసాగింపుగా అనిపిస్తుంది. సిద్ధి కుమార్ క్యూట్ గా స్క్రీన్ స్పేస్ ను బాగా వాడుకుంది. సినిమాకు ఆమె ప్లస్ పాయింట్. రాజీవ్ కనకాల ఎప్పటిలానే సింపతీ బ్రదర్ రోల్ ప్లే చేశాడు. సచిన్ కేద్కర్, అజయ్, సుబ్బరాజు విలన్స్ గా బాగానే చేశారు. ప్రవీన్, సత్యం రాజేష్, సత్య కామెడీ చేసినా అంతగా ఆకట్టుకోలేదు.
సమీర్ రెడ్డి సినిమాటోగ్రఫీ చాలా బాగుంది. సెకండ్ హాఫ్ కేరళ ఎపిసోడ్స్ లో ఆయన కెమెరా వర్క్ ఏంటో తెలుస్తుంది. సినిమాలో ఒక్కో పాటకి ఒక్కో మ్యూజిక్ డైరక్టర్ చేశాడు. మ్యూజిక్ పరంగా బాగుంది. ప్రొడక్షన్ వాల్యూస్ చాలా రిచ్ గా ఉన్నాయి. కథ రొటీన్ గా అనిపిస్తుంది. అనీష్ కృష్ణ కథనం కొంతమేర లాక్కొచ్చినట్టు అనిపించినా రొటీన్ ఫ్లాట్ కథ మైనస్ అని చెప్పొచ్చు. ఎడిటింగ్ ఓకే.