చిల్డ్రన్ ఫిల్మ్ మేకర్ అయిన ఆనంద్ (ఆదిత్ అరుణ్) పిల్లల సమస్యలతో చేసే సినిమా కోసం క్రౌడ్ ఫండింగ్ చేయాలని అనుకుంటాడు. ఈ క్రమంలో మాస్ కమ్యునికేషన్స్ చేసిన శ్రీలక్ష్మి (హెబ్భా పటేల్) ఆనంద్ దగ్గర అసిస్టెంట్ గా జాయిన్ అవుతుంది. ఇద్దరు ప్రేమలో పడతారు.
అయితే ఆనంద్ తనను పెళ్లాడుతాడని నమ్మిన హెబ్భా పటేల్ అతనితో చాలా దూరం వెళ్తుంది. అదే సమయంలో ఆనంద్ కు ఇలాంటివి కామన్ అని తెలిసి అతనికి దూరమవుతుంది. ఇంతకీ ఆనంద్, శ్రీలక్ష్మిని నిజంగా ప్రేమించాడా..? ఆనంద్, శ్రీలక్ష్మిల లవ్ ఎలా ముగిసింది అన్నది సినిమా కథ.
ఆదిత్ అరుణ్ తన పాత్ర వరకు బాగానే చేశాడు. ఆనంద్ పాత్రలో అతను చక్కగా ఒదిగిపోయాడు. ఇక శ్రీలక్ష్మి పాత్రలో హెబ్భా మళ్లీ యూత్ ఆడియెన్స్ ను మెప్పించే ప్రయత్నం చేసింది. సినిమాలో ఇద్దరి మధ్య రొమాన్స్ అదిరిపోయింది. ఇక నరేష్, రావు రమేష్ ల పాత్రలు అలరించాయి.
జాయ్ బారువా మ్యూజిక్ జస్ట్ ఓకే. బిజిఎం కూడా అంతగా ఆకట్టుకోలేదు. ఉదయ్ సినిమాటోగ్రఫీ కొంతమేరకు బెటర్ అని చెప్పొచ్చు. ఇక రొటీన్ కథ, కథనాలతో సినిమా మొత్తం విసుగు తెప్పించేలా చేశాడు అయోధ్యా కుమార్. 24 కిస్సెస్ అని టైటిల్ పెట్టినందుకు హీరో, హీరోయిన్ మధ్య కిస్సులు పెట్టాడు తప్ప సినిమాలో అసలు మ్యాటర్ ఏం లేదు. ప్రొడక్షన్ వాల్యూస్ ఓకే అనేలా ఉన్నాయి.
