Indiaherald Group of Publishers P LIMITED

X
close save
crop image
x
Thu, Aug 22, 2019 | Last Updated 7:53 pm IST

Menu &Sections

Search

సైక‌లాజిక‌ల్ థ్రిల్ల‌ర్ నేను లేను

- 2.5/5
సైక‌లాజిక‌ల్ థ్రిల్ల‌ర్ నేను లేను

చిత్ర కథ


నటీనటుల ప్రతిభ


సాంకేతికవర్గం పనితీరు


చిత్ర విశ్లేషణ


కాస్ట్ అండ్ క్రూ

'నేను లేను' అని టైటిల్ వెరైటీగా పెట్ట‌డంతోనే ప్రేక్ష‌కుడ్ని ఆక‌ట్టుకున్నాడు ద‌ర్శ‌కుడు. 'లాస్ట్‌ ఇన్‌ లవ్‌' అనేది ఉపశీర్షిక పెట్టడంతో ప్రేమలో ఇంతకంటే చివరిది లేదనే అర్థంతో వచ్చిన ఈ చిత్రం సైకలాజికల్‌ థ్రిల్లర్‌గా రూపొందించారు. దర్శక నిర్మాతలు ఈ రంగానికి కొత్తే అయినా ఎక్క‌డా అలా అనిపించ‌లేదు. అనుభ‌వం ఉన్న ద‌ర్శ‌కుడు చేసిన‌ట్లు అనిపించింది. నటీనటులపరంగా కూడా కొత్త వారిని ఎంచుకున్నారు. ఈ చిత్రం ఈ నెల 26న విడుదలవుతుంది. ముందుగానే ఈ చిత్రాన్ని కొంతమంది ప్రముఖులకు ప్రీమియర్‌ వేశారు. ఈ చిత్రం ఎలా వుందో చూద్దాం. నటీనటులు: హర్షిత్‌, వంశీకష్ణ పాండ్య, శ్రీపద్మ, మాధవి, బిశ్వజిత్‌నాధ్‌ తదితరులు సాంకేతికత: కథ, స్క్రీన్‌ప్లే, దర్శకత్వం: రామ్‌ కుమార్‌, నిర్మాత: సుక్రి కుమార్‌. బేనర్లు: ఓ.యస్‌.యం విజన్‌, దివ్యాషిక క్రియేషన్స్‌. కథ: ఇద్ద‌రు స్నేహితులు క‌లిసి ఆశ‌క్తి క‌ర‌మైన వీడియోల‌ను తీస్తూ అంద‌ర్నీ ఆక‌ట్టుకుంటుటాడు. ఆ క్ర‌మంలో పార్వ‌తి (శ్రీ‌ప‌ద్మ‌)ని తొలి చూపులోనే ఇష్ట‌ప‌డ‌తాడు. ఆమె ప్రేమపొందేందుకు ప్రయత్నించి సక్సెస్‌ అవుతాడు. కులాలు వేరయినా పార్వతి తల్లిదండ్రులు పెళ్లికి అంగీకరించరు. దాంతో ఎవరికీ చెప్పకుండా లేచిపోదామనే కాన్సెప్ట్‌కి వచ్చేస్తారు. అక్కడ‌ ఎదురుదెబ్బ తగులుతుంది. అనుకోని స్థితిలో ఈశ్వర్‌పై కొందరు దాడిచేస్తారు. దాంతో ఉన్నది లేనట్లు లేనిది ఉన్నట్లుగా ప్రవర్తించే ఓ సైకలాజికల్‌ డిజార్డర్‌ స్థితికి చేరుకుంటాడు. మరోవైపు ఈశ్వర్‌పై ఎటాక్‌ చేసిన వారంతా చనిపోతారు. ఒక దశలో ఈశ్వర్‌ చనిపోయాడనీ పోలీసులకు తెలుస్తుంది. కానీ అతను బతికున్నాడని తెలియడంతో పోలీస్‌ ఇన్వెస్టిగేషన్‌ జరుగుతుంది. ఈ ఇన్వెస్టిగేషన్‌లో ఏం తేలింది. సైకలాజికల్‌గా ఈశ్వర్‌ ఎలా డిస్ట్బర్బ్‌ అయ్యాడు. తదనందర పరిణామాలేమిటి? అనేవి మిగిలిన సినిమా. విశ్లేషణ: థ్రిల్ల‌ర్ సినిమాలు ఎన్నో వ‌చ్చాయి కాని ఈ క‌థ‌లో ద‌ర్శ‌కుడు ప్రేక్ష‌కుడ్ని కాస్త ఎక్కువ స‌స్పెన్స్‌కి గురి చేస్తాడు. ఒక ర‌కంగా చెప్పాలంటే రివర్స్‌ స్క్రీన్‌ప్లే కథ కొత్తగా వుందనే చెప్పాలి. ఒకరకంగా చాలా రిస్క్‌తో కూడుకున్న ఈ కథను దర్శకుడు అర్థమయ్యేరీతిలో చెప్పే ప్రయత్నం చేశాడు. ఆ క్రమంలో ప్రేక్షకుడికి థ్రిల్‌ కల్గిస్తూ కొంత క‌న్‌ఫ్యూజ్ కూడా ఉంటుంది. హీరోకు వచ్చే ఓ సైకలాజికల్‌ డిజార్డర్‌ను దర్శకుడు రామ్‌ కుమార్‌ ఎమ్‌.ఎస్‌.కె. బాగా ఎస్టాబ్లిష్‌ చేశాడు. రొటీన్‌ కథ, కథనం కాకుండా కొత్తగా ట్రై చేసి సక్సెస్‌ అయ్యాడనే చెప్పాలి. సాధారణంగా ఇలాంటి స్క్రీన్‌ ప్లే హాలీవుడ్‌ సినిమాల్లో చూస్తుంటాం. మ‌రో ప‌క్క హీరో హీరోయిన్ల రొమాంటిక్‌ సీన్స్‌లో ఒకరినొకరు ఆటపట్టించే క్రమంలో వచ్చేవి రొమాంటిక్‌తోపాటు కాస్త కామెడీగా వుంటాయి. ఒక్కోసారి డబుల్‌ మీనింగ్‌ డైలాగ్స్‌తో సీన్స్‌ పండించాడు. మొత్తానికి సరదాగా సాగుతూ ట్విస్ట్‌తో క‌థ న‌డుస్తూ ఉంటుంది. ఈశ్వర్‌ స్నేహితుడుగా నటించిన వ్యక్తి కథకు మలుపు. తనేం చేశాడనేడి తెరపై చూడాల్సిందే. సాంకేతికంగా ఛాయాగ్రహణం. ఎ.శ్రీకాంత్‌ (బి.ఎఫ్‌.ఎ) నైపుణ్యాన్ని ప్రదర్శించాడు. ఆశ్రిత్‌ అందించిన పాటలు సినిమాకు హైలైట్‌గా నిలిచాయి. పరిమిత బడ్జెట్‌తో తీసిన ఈ చిత్రం చూడ్డానికి పెద్ద చిత్రంగా అనిపిస్తుంది. సుక్రి కుమార్‌ నిర్మాణాత్మక విలువలు బాగున్నాయి. ఒక అందమైన ప్రేమకథతో తెరకెక్కిన సైకలాజికల్‌ థ్రిల్లర్‌ చిత్రమిది. ఇందులోని థ్రిల్లర్‌ ఎలిమెంట్స్‌ ప్రేక్షకులను ఆధ్యంతం ఉత్కంఠకు గురి చేస్తాయి.
5 / 5 - 1
Add To Favourite

APHERALD EXCLUSIVE MOVIE REVIEWS

Bollywood

View all